მედეა ნემსაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1954 წელს.

1954-1958წწ. იყო ბორჯომის პროფკავშირების სანატორიუმების ექიმი-თერაპევტი; 1960-1998წწ. ჯანმრთელობის სამინისტროს ექსპერიმენტული და კლინიკური ქირურგიის კოაგულოლოგიურ ლაბორატორიაში, 1998 წლიდან გადაუდებელი კარდიოლოგიური ცენტრის კოაგულოლოგიური  ლაბორატორიის  ხელმძღვანელი. ავტორია 72 სამეცნიერო ნაშრომისა, რომლებიც ეხება კოაგულოლოგიურ საკითხებს. გამოქვეყნებული აქვს ორი მონოგრაფია: "კოაგულოპათიური თრომბოციტოპენიური სინდრომი ვერლჰოფის დაავადების დროს",("საბჭოთა მედიცინა", 1977), "თრომბოჰემორაგიული სინდრომი(ეტიოლოგია, პათოგენეზი, დიაგნოსტიკა, კლინიკა, პროფილაქტიკა, მკურნალობა)". კოაგულოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "მასალები კოაგულოპათიური თრომბოციტოპენიური სინდრომის შესწავლისათვის  ვერლჰოფის დაავადებისა და სხვა თრომბოციტოპენიური მდგომარეობის დროს", დაიცვა 1968 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.222