ნათელა ოკუჯავა

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1958 წელს.

1958-1959წწ. - კურორტ აბასთუმნის სანატორიუმ "ზეკარი"-ს ექიმი-ორდინატორი; 1959-1963წწ. - თბილისის სახელმწიფო სამედიცინო ინსტიტუტის ფტიზიატრიის კათედრის ასპირანტი; 1963-1981წწ. - ამავე კათედრის ასისტენტი; 1981-1995წწ. - დოცენტი; 1995 წლიდან - აღნიშნული კათედრის პროფესორი. გამოქვეყნებული აქვს 39 სამეცნიერო ნაშრომი ტუპერკულოზის პათოგენეზის, იმუნოგენეზის, კლინიკის, და სოციალური რეაბილიტაციის საკითხებზე. ექიმი-ფტიზიატრ-პულმონოლოგი, მედიცინის მეცნიერებათა დოქტორი (1994), პროფესორი (1997).

საკანდიდატო დისერტაციის თემა - ''თირკმელზედა ჯირკვლის ქერქის ფუნქციური მდგომარეობა ფილტვის ტუპერკულოზით დაავადებულებში", დაიცვა 1965 წელს; სადოქტორო დისერტაციის თემა - "ტუპერკულოზის პათოგენეზის და იმუნოგენების თანამედროვე ასპექტები და პლაფერონის როლი ფილტვის დესტრუქციული ტუპერკულოზით დაავადებულთა კომპლექსურ მკურნალობაში", დაიცვა 1994 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.358

• საქართველოს ტუპერკულოზთან და ფილტვის დაავადებასთან ბრძოლის საერთაშორისო კავშირი, წევრი
• საქართველოს ფტიზიატრთა და პულმონოლოგთა ასოციაცია, წევრი
• ტუპერკულოზთან ბრძოლის სახელმწიფო პროგრამის სამუშაო ჯგუფი, წევრი