ნათელა ოკუჯავა

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1987 წელს.

1987-1988წწ. - რესპუბლიკური ცენტრალური კლინიკური საავადმყოფოს ნერვულ სნეულებათა განყოფილრბის ინტერნი; 1989-1991წწ. - თბილისის სახელმწიფო სამედიცინო უნივერსიტეტის ნერვულ სნეულებათა კათედრის უფროსი ლაბორანტი; 1991-1992წწ. - კათედრის ასისტენტ-სტაჟიორი; 1992 წლიდან თბილისის სახელმწიფო სამედიცინო უნივერსიტეტის ნერვულ სნეულებათა კათედრის ასისტენტი; ს. ხეჩინაშვილის სახელობის საუნივერსიტეტო კლინიკის ეპილეფსიისა და ძილის დარღვევების ცენტრის ხელმძღვანელი; სამეცნიერო ნაშრომების ავტორი; ეპილეპტოლოგიის პრობლემებზე საერთაშორისო და ეროვნულ წამყვან სამეცნიერო ჟურნალებში გამოქვეყნებული აქვს სამეცნიერო სტატიები; თანამშრომლობს  უცხოეთის წამყვან ეპილეფსიის ცენტრებთან; რეგულარულად მონაწილეობს მოხსენებებით საერთაშორისო სამეცნიერო ფორუმებში; 1998 წელს იყო საქართველოს პრეზიდენტის II ხარისხის სტიპენდიანტი. ექიმი-ნევროლოგი, მედიცინის მეცნიერებათა დოქტორი (2002), პროფესორი.

საკანდიდატო დისერტაციის თემა - "ეპილეფსიის ელექტროფიზიოლოგიურ გამოვლინებათა  და მკურნალობის ზოგიერთი თავისებურებები პუბერტაციულ პერიოდში", დაიცვა 1992 წელს; სადოქტორო დისერტაციის თემა - "ბავშვთა და მოზარდთა ეპილეფსია: კლინიკური, ელექტროენცეფალოგრაფიული და თერაპიული ასპექტები", დაიცვა 2002 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.228; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.358

• ასოციაცია "ეპილეფსია და გარე სამყარო", პრეზიდენტი
• ევროპის ეპილეფსიის აკადემია, წევრი
• ეპილეფსიასთან მებრძოლი საერთაშორისო ლიგა, წევრი
• საქართველოს ნევროლოგთა საზოგადოება, წევრი