ლიზა ბათიაშვილი

დაბადების ადგილი: ქ. თბილისი.

დაწყებითი მუსიკალური განათლება მიიღო თბილისის "ნიჭიერთა ათწლედში"(ვიოლინო); 1991 წლიდან ცხოვრობდა გერმანიაში, სწავლობდა ჰამბურგის კონსერვატორიაში, 1993 წლიდან სწავლობდა მიუნხენის მუსიკისა და თეატერის უმაღლეს სკოლაში; თანამშრომლობს და გამოდის ევროპის წამყვან ორკესტრებთან და დირიჟორებთან, კონცერტებით გამოდის მსოფლიოს მრავალ ქვეყანაში; არის ჩრდილოეთ გერმანიის რადიოს სიმფონიური ორკესტრისა და ნიუ-იორკის ფილარმონიის ორკესტრის არტისტი; მის რეპერტუარშია: ს. ცინცაძე "ლალე", "ინდიმინდი", "სულიკო", 'საჭიდაო", ასევე: ბახი, ბეთჰოვენი, მოცარტი, შუმანი, ჩაიკოვსკი, სიბელიუსი; გასტროლებით შემოიარა: ევროპა, ამერიკის შეერთებული შტატები, აზია; ამჟამად ცხოვრობს საფრანგეთში, მისი მეუღლეა ცნობილი ჰობოისტი ფრანსუა ლელუ; ბათიაშვილი-ლელუს დუეტს თანამედროვე კომპოზიტორებმა მიუძღვნეს ორმაგი კონცერტები: გ. ყანჩელი(2007, პრემიერა), ფრანგი კომპოზიტორი ტ. ესკაიჰა(2014); მიღებული აქვს: MIDEM–ის პრემია, ცენტრალური მუსიკალური სკოლების საკავშირო კონკურსის სპეციალური პრიზი (ქ. ოდესა, 1989), დვარიონასის სახელობის საერთაშორისო კონკურსის I პრემია (ვილნიუსი, 1989), სიბელიუსის კონკურსის II პრემია (ფინეთი, 1995), "ECHO Klassik"-ის ორგზის გამარჯვებული ალბომისათვის "Choes of Time" (2011), ბერნსტაინის სახელობის კონკურსის I პრემია (2015), ბეთჰოვენის ბეჭდის მფლობელი (ბეთჰოვენის ფესტივალი), BBC–ის პროგრამა "New Generation Artists"–ის გამარჯვებული. ლიზა ბათიაშვილი საქართველოში მრავალ საქველმოქმედო კონცერტს მართავს; იგი შესულია მსოფლიოს საუკეთესო მევიოლინეთა სიაში.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 55