ცისკარი ბალანჩივაძე

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1959 წელს.

1956-1957წწ. სტაჟირება გაიარა მოსკოვის სტანისლავსკისა და ნემიროვიჩ-დანჩენკოს თეატრში; 1959-1988წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის სოლისტი, ჯერ ასრულებდა ტექნიკურ ვარიაციებსა და "პა-დე-ტრუას" ყველა ბალეტში, შემდეგ კი წამყვან პარტიებს; 1971-1972წწ. მეცადინეობდა მოსკოვის ცნობილ ბალერინა მ. სემიონოვასთან; 1979-1980წწ. იყო საქართველოს კამერული მუსიკალური ცენტრის(დამაარსებელი და ხელმძღვანელი ჯ. ბალანჩივაძე) მოცეკვავე და დამდგმელი ქორეოგრაფი; 1991 წელ დაამთავრა მოსკოვის ორწლიანი საბალეტო პედაგოგიური კურსები; 1989-1995წწ. იყო ვ. ჭაბუკიანის სახელობის თბილისის ქორეოგრაფიული სასწავლებლის კლასიკური ცეკვის პედაგოგი; მის რეპერტუარში იყო: კეთილი ფერია(გრ. კილაძე "სინათლე"), ირემა(დ. თორაძე "გორდა"), ოფელია(რ. გაბიჩვაძე "ჰამლეტი"), მანდილოსანი(ბ. კვერნაძე "მხატვრის სახელოსნო"), დაირა, მანიჟე(ა. ბალანჩივაძე "მწირი", "მთების გული"), ჯულიეტა(პ. ჩაიკოვსკი "რომეო და ჯულიეტა"), ასევე: ქალი(ბახი "პასაკალია"), ჟიზელი(ადანი "ჟიზელი"), სვანილდა(დელიბი "კოპელია"), ნიკია, ჩელიტა(მინკუსი "ბაიადერა", "დონ კიხოტი"), მარია(ასაფიევი "ბახჩისარაის შადრევანი"), ჯულიეტა(პროკოფიევი "რომეო და ჯულიეტა"), ადაჯო, მაშას ვარიაცია(პ. ჩაიკოვსკი "გედების ტბა", "მაკნატუნა"); მოსკოვის დიდი თეატრის დასთან ერთად შემოიარა: კანადა, ბრაზილია, საგაატროლო ტურნე: იაპონია, საფრანგეთი, პოლონეთი, უნგრეთი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 60

• 1986 - საპატიო ნიშნის ორდენი
• 1980 - საქართველოს დამსახურებული არტისტი