რაშიდ მაჯიდ-ოღლუ ბეიბუთოვი

დაბადების ადგილი: ქ. თბილისი.

1933 წელს თბილისში დაიწყო სასცენო მოღვაწეობა ხალხური სიმღერების შესრულებით; 1934-1944წწ. მოღვაწეობდა ერევანში, 1944-1956წწ. იყო ბაქოს ფილარმონიის სოლისტი, 1953-1960წწ. ბაქოს საოპერო თეატრის სოლისტი (ლირიკული ტენორი); 1957-1959წწ. ხელმძღვანელობდა აზერბაიჯანულ სახელმწიფო საკონცერტო ანსამბლს, იყო აზერბაიჯანული სიმღერის სახელმწიფო თეატრის დამაარსებელი და ხელმძღვანელი (1966); სახელი გაითქვა როგორც საესტრადო მომღერალმა (ევროპული, რუსული, თურქული, არაბული, ინდური ხალხური სიმღერები); ამავდროულად გამოდიოდა ბაქოს ახუნდოვის სახელობის ოპერისა და ბალეტის სახელმწიფო თეატრში (ფიქრეთ ამიროვის ოპერაში "სევილ", ასკერ ჰაჯიბეკოვის მუსიკალურ კომედიაში "არშინ მალ-ალან"); გადაღებულია კინოფილმებში, "არშინ-მალ-ალან" (1946); გასტროლებით იმოგზაურა: ბელგია, თურქეთი, ინდოეთი, იტალია, ფინეთი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 73

• 1987 - თბილისის საპატიო მოქალაქე
• 1980 - სოციალისტური შრომის გმირი
• 1978 - აზერბაიჯანის სახელმწიფო პრემია
• 1959 - სსრკ სახალხო არტისტი
• 1946 - სტალინური პრემია, კინოფილმისათვის "არშინ-მალ-ალან"