ნინო ბარკალაია

დაბადების ადგილი: ქ. მოსკოვი.

დაამთავრა მოსკოვის კონსერვატორიასთან არსებული აკადემიის მუსიკალური სკოლა და აკადემიის მუსიკალური სასწავლებელი 1989 წელს(საფორტეპიანო), პ. ჩაიკოვსკის სახელობის მოსკოვის სახელმწიფო კონსერვატორია 1994 წელს(საკონცერტო-საშემსრულებლო, საორგანო, მუსმცოდნეობა).

1996 წელს იყო  მოსკოვის კონსერვატორიაში მ. მეჟლემოვას ასისტენტ-სტაჟიორი; 2001 წელს ელექტრო-აკუსტიკური საკომპოზიციო ფაკულტეტის და სტუდიის შექმნის ერთ-ერთი ინიციატორი; 1996-2002წწ. იყო მოსკოვის კონსერვატორიის "ახალგაზრდული ფილარმონიის" სამხატვრო ხელმძღვანელი; 2000-2008წწ. კამერული დარბაზების დირექტორი და საკონცერტო მუშაობის უფროსის მოადგილე; 2004 წლიდან მოსკოვის კონსერვატორიის უფროსი პედაგოგი, მიყავს კურსი "მუსიკის შინაარსის თეორია"; ეწევა სოლო საკონცერტო მოღვაწეობას: რუსეთი, ავსტრია, გერმანია, საფრანგეთი, სლოვაკეთი, პოლონეთი, ჩეხეთი; მონაწილეობდა ფესტივალებში რუსეთსა და ევროპაში, მათ შორის: "მოსკოვური შემოდგომა"(რუსეთი), მესიანის ხსოვნისადმი მიძღვნილი ფესტივალი(საფრანგეთი), ტრირეს ფესტივალი(გერმანია), დ. შოსტაკოვიჩისადმი მიძღვნილი ფესტივალი(2006, საფრანგეთი), მონპელიეს ფესტივალი(საფრანგეთი), ფესტივალი "Multiphonia"("Radio Frace", პარიზი, საფრანგეთი); არის ფესტივალების ორგანიზატორი: "ახალი ევროპის ხმები"(1998), "ოლივიე მესიანი და მისი სკოლა"(2002), "დ. შოსტაკოვიჩის დღეები"(2006, თანაორგანიზატორი, პარიზი); მასტერ-კლასები: ჩეხეთი, საფრანგეთი; მისი მოწაფეა ფრ. რენუ(პარიზის ნორჩ პიანისტთა "იამაჰას" კონკურსის ლაურეატი); მის რეპერტუარშია: გ. ყანჩელი, ი. ს. ბახი, კ. ფ. ე. ბახი, შოპენი, შუმანი, ჰაიდნი, ბრამსი, რახმანინოვი, სკრიაბინი, ა. და ნ. ჩერეპნინები, XX საუკუნის დასაწყისის ემიგრაციაში მოღვაწე რუსი ავანგარდისტები: ნ. ობუხოვი, ი. ვისნეგრადსკი, ა. ლურიე, აგრეთვე თანამედროვე კომპოზიტორები: გი რებელი, პ. ბულეზი, ა. პიარტი; 2007-2011წწ. გაიარა დოქტურანტურა უნივერსიტეტში "პარიზი-8"(საფრანგეთი); ხელოვნებათმცოდნეობის კანდიდატი; 2012 წელს დაიცვა სადოქტორო დისერტაცია უნივერსიტეტში "პარიზი-8" და მიენიჭა ესთეტიკისა და მუსმცოდნეობის დოქტორის წოდება; მუსიკისმცოდნე, პიანისტი, ორგანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 65

• 2002 - საფრანგეთის ხელოვნებისა და ლიტერატურის კავალერი("Chevalier des Arts et des Lettres")