დავით დონდუა

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის გეოგრაფიულ-გეოლოგიური ფაკულტეტი.

ასწავლიდა ქუთაისის და თბილისის სკოლებში (მათ შორის 14 წელი თბილისის I საშუალო სკოლაში); სხვადასხვა დროს მუშაობდა საქართველოს პედაგოგიკის მეცნიერებათა სამეცნიერო კვლევით ინსტიტუტსა და მასწავლებელთა დახელოვნების ინსტიტუტში, ხელმძღვანელობდა გეოგრაფიის მასწავლებელთა გადასამზადებელ რესპუბლიკურ კურსებს; კითხულობდა გეოგრაფიის სწავლების მეთოდიკის კურსს თბილისის სახელმწიფო უნივერსიტეტში, თელავისა და გორის პედაგოგიურ ინსტიტუტში; აქტიურად მონაწილეობდა სრულიად საქართველოს წერა-კითხვის უცოდინარობის სალიკვიდაციო საზოგადოების მუშაობაში; გამოქვეყნებული აქვს ბუნებისმეტყველებისა და გეოგრაფიული სახელმძღვანელოები, მეთოდური წერილები, სასწავლო პროგრამები, სამეცნიერო და სამეცნიერო-პოპულარული შრომები; ხელმძღვანელობდა სასწავლო გეოგრაფიული რუკების ქართულ ენაზე გამოცემას, გეოგრაფიული ნომენკლატურის ქართული ტრანსკრიფციის დადგენას; 1926-1932წწ. მისი სახელმძღვანელოთი ("წყარო") ისწავლებოდა გეოგრაფია და ბუნებისმეტყველება ქართული სკოლის დაწყებით კლასებში; 1916-1924წწ. ს. ჯაფარიძესთან ერთად გამოსცა საბავშვო ზღაპრების სერია "სურათები - ზღაპრები"; მიღებული აქვს სახელმწიფო ჯილდოები; პედაგოგიურ მეცნიერებათა კანდიდატი (1956).

წყარო: საქართველო: ენციკლოპედია: ტ.2. - თბ., 2012. - გვ.481

• საქართველოს გეოგრაფიული საზოგადოება, თავმჯომარის მოადგილე (1940-1954)

• 1945 - საქართველოს დამსახურებული მასწავლებელი

• გეოგრაფიული ცნობარი : საქართველოს სსრ. ამ.-კავკასიის სფსრ. სსრკ. ფიზიკური-გეოგრაფიული მასალა (ავტორი) // ნაწ. 1. - ტფილისი, სახელგამის გა-მა, 1931. - 132გვ.
• ბეღურა და უკადრისა ქორიანა. ცხვარი და აქლემი (ავტორი). - ქუთაისი, სტ. "ძმობა", 1920. - 16გვ.