გივი სარალიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1951 წელს.

1951-1954წწ. იყო  თბილისის სახელმწიფო სამედიცინო ინსტიტუტის სამკურნალო ფაკულტეტის საფაკულტეტო თერაპიის კლინიკური ორდინატორი, 1954-1958წწ. ჰოსპიტალური თერაპიის კათედრის ასპირანტი, 1958-1961წწ. ამავე კათედრის ლაბორანტი, 1961-1964წწ. ასისტენტი, 1964-1972წწ. დოცენტი, 1980 წლიდან სპორტული მედიცინისა და რეაბილიტაციის ცენტრის კარდიოლოგიური კაბინეტის გამგე; 1995 წლიდან სამედიცინო ინსტიტუტ "ვიტას" საფაკულტეტო თერაპიის კათედრის დოცენტი. ავტორია 35 სამეცნიერო ნაშრომისა, რომლებიც ეხება შინაგანი მედიცინის აქტუალურ საკითხებს, შაქრიანი დიაბეტის რეზისტენტული ფორმების მკურნალობას. გამოქვეყნებული აქვს მონოგრაფია: "სისხლის შრატის ცილების ცვლილებათა დინამიკა თირეოტოქსიკოზის დროს რადიოაქტიური იოდით და ქირურგიულ მკურნალობასთან დაკავშირებით"(თბილისი, 1964). თერაპევტი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "სისხლის შრატის ცილების ცვლილებათა დინამიკა თირეოტოქსიკოზის დროს რადიოაქტიური იოდით და ქირურგიულ მკურნალობასთან დაკავშირებით", 1961 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.247; m.facebook.com

• დიაბეტის საზოგადოების გამგეობა, წევრი
• თერაპევტთა სამეცნიერო საზოგადოების პრეზიდიუმი, წევრი