ზვიად ბუცხრიკიძე

დაბადების ადგილი: ქ. თბილისი.

დაამთავრა თბილისის II მუსიკალური სასწავლებელი 1982 წელს(სადირიჟორო), ვანო სარაჯიშვილის სახელობის თბილისის სახელმწიფო კონსერვატორია 1987 წელს(საკომპოზიციო).

1994 წლიდან იყო თბილისის მუსიკალური სკოლების, სტუდიების, ლიცეუმის პედაგოგი, ასევე უნივერსიტეტის პედაგოგი; ფოლკლორული ექსპედიციების წევრი (1989–1990წწ., ხულო); დაწერილი აქვს: სიმფონიური ნაწარმოებები – "აჩრდილი" N1, N2(1987), "მოგონება" ორმაგი შემადგენლობისათვის (1987), "ჟამი უბნობისა" (1997), "ლაზარე" (2003), სიმფონიები N2, N3, N4, N5 (2008, 2009, 2010, 2012), სიმფონია "ბეთჰოვენი" (2011); მუსიკა ფორტეპიანოსა და ორკესტრისათვის (1989); კამერულ–ინსტრუმენტული ნაწარმოებები – საფორტეპიანო პიესა "ერმი", სონატა ვიოლონჩელოსა და ფორტეპიანოსათვის (1989), 6 სიმებიანი კვარტეტი, "კოკროჭინა" სოლო ვიოლონჩელოსათვის (2007), კვინტეტი ჩასაბერი საკრავებისათვის (2012), "ოტარიდი" 20 სიმებიანი საკრავისათვის, "პასტორალი" სოლო გიტარისათვის (2012); კამერულ–ვოკალური ნაწარმოებები – "მაღალი კოშკი"(1989), "ტუნა და ბუცო" მთხრობელისა და ფორტეპიანოსათვის (2005), "ფრაზები ტ. გრანელის ლექსებიდან" ტენორისა და კამერული შემადგენლობისათვის (2006), "დედავ ბუნებავ" (2007, გ. ტაბიძისლექსზე), "მასკარადში" მთხრობელისა და ფორტეპიანოსათვის (2007, ტ. ტაბიძის ლექსზე); მუსიკა დრამატული სპექტაკლებისათვის – "ვოიცეკი" (1994, თბილისი, რუსთაველის თეატრი).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 85

• საქართველოს კომპოზიტორთა კავშირი, წევრი