თამაზ გაბისონია

დაბადების ადგილი: ქ. თბილისი.

დაამთავრა თბილისის I მუსიკალური სასწავლებელი 1979 წელს(თეორიული), ვანო სარაჯიშვილის სახელობის თბილისის სახელმწიფო კონსერვატორია 1986 წელს(ფოლკლორი).

1990 წლიდან იყო ვ. სარაჯიშვილის სახელობის თბილისის სახელმწიფო კონსერვატორიის ხალხური მუსიკალური შემოქმედების კათედრის მეცნიერ-თანამშრომელი, 1998 წლიდან ამავე კათედრის პედაგოგი, 2011 წლიდან ასოცირებული პროფესორი; 1993-1995წწ. თბილისის კულტურის სახელმწიფო ინსტიტუტის პედაგოგი; 2005 წლიდან თბილისის კონსერვატორიის ტრადიციული მრავალხმიანობის კვლევის საერთაშორისო ცენტრი სპეციალისტი; 2006 წლიდან თბილისის წმ. გიორგი მთაწმინდელის სახელობის  საეკლესიო გალობის სასწავლო უნივერსიტეტის პედაგოგი, დეკანი; 2005-2007წწ. ქ. ბათუმის სახელმწიფო კონსერვატორიის პედაგოგი; 2008 წელს დააარსა ქალ-ვაჟთა ფოლკლორული ანსამბლი "კერია"; 2011 წლიდან თბილისის ილიას უნივერსიტეტის პედაგოგი, ასოცირებული პროფესორი; იყო ყოველთვიურ გაზეთ "ქართული გალობის" რედაქტორი; 2011 წელს ილიას სახელმწიფო უნივერსიტეტში დააარსა სტუდენტური გუნდი; გამოქვეყნებული აქვს 20-ზე მეტი სამეცნიერო ნაშრომი; თანაავტორია წიგნისა "ქართული ხალხური მუსიკალური შემოქმედება"(2005, სახელმძღვანელო); 1983 წლიდან მოხსენებებით გამოდის როგორც საქართველოს, ასევე საერთაშორისო სამეცნიერო კონფერენციებში; ნამყოფია რვა ფოლკლორულ ექსპედიციაში; მუსიკოლოგიის დოქტორი, ეთნომუსიკოლოგი.

სადოქტორო დისერტაციის თემა - "ქართული ტრადიციული მრავალხმიანობის ფორმები", დაიცვა 2009 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 87; music.iliauni.edu.ge

• საქართველოს კომპოზიტორთა კავშირი, წევრი