მარინე სიხარულიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს.

1973-1974წწ. იყო თბილისის პირველი კლინიკური საავადმყოფოს ცენტრალური ლაბორატორიის ექიმი-ლაბორანტი; 1974-1978წწ. რუსთავის სამკურნალო ფიზკულტურული დისპანსერის ექიმი-თერაპევტი; 1978-1980წწ. თბილისის ექიმთა დახელოვნების ინსტიტუტის ინტენსიური თერაპიისა და რეანიმაციის განყოფილების ორდინატორი; 1980-1986წწ. ამავე ინსტიტუტის თერაპია-პულმონოლოგიის კათედრის უფროსი ლაბორანტი; 1986-1992წწ. ასისტენტი, 1992 წლიდან თბილისის ექიმთა დიპლომისშემდგომი განათლების სამედიცინო აკადემიის თერაპია-პულმონოლოგიის კათედრის დოცენტი. ავტორია 12 სამეცნიერო ნაშრომისა, რომლებიც ეხება შინაგან დაავადებათა იმუნოლოგიურ პრობლემებს, ეკუთვნის რაციონალიზატორული წინადადება ბრონქული ასთმის მკურნალობის მეთოდებზე. იყო თბილისის ექიმთა დიპლომისშემდგომი განათლების სამედიცინო აკადემიის თერაპია-პულმონოლოგიის კათედრის სასწავლო გამგე. თერაპევტი, მედიცინის მეცნიერებათა კანდიდატი, დოცენტი.

საკანდიდარო დისერტაციის თემა - "ფილტვის ქრონიკული არასპეციფიკური დაავადებების კომპლექსური თერაპიის იმუნოლოგიური შეფასება", დაიცვა 1988 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.254

• საქართველოს თერაპევტთა საზოგადოება, წევრი
• საქართველოს პულმონოლოგთა საზოგადოება, წევრი