მედეა გაბუნია

დაბადების ადგილი: სოფელი რიკოთი, მაიაკოვსკის რაიონი.

დაამთავრა სოხუმის ინდუსტრიული ტექნიკუმი 1924 წელს; ვანო სარაჯიშვილის სახელობის თბილისის სახელმწიფო კონსერვატორია 1943 წელს (ვოკალური).

1937 წლიდან მღეროდა საქართველოს სახელმწიფო კაპელაში, ხოლო შემდეგ ოქტეტში; 1943-1962წწ. იყო ზ. ფალიაშვილის სახელობის თბილისის ოპერისა და ბალეტის თეატრის წამყვანი სოლისტი(ლირიკული სოპრანო); 1961 წლიდან სიცოცხლის ბოლომდე ვ. სარაჯიშვილის სახელობის თბილისის სახელმწიფო კონსერვატორიის პედაგოგი, თავდაპირველად საგუნდო-სადირიჟორო, შემდეგ სოლო-სიმღერის კათედრაზე, 1976 წლიდან დოცენტი, 1986 წლიდან პროფესორი; პარალელურად იყო თბილისის თეატრალური ინსტიტუტის მუსიკალური ფაკულტეტის პედაგოგი; მისი მოწაფეები იყვნენ: მ. დავითაშვილი, თ. ჯანგავაძე, ლ. გვარიშვილი, შ. შათაშვილი, მ. ჯახუტაშვილი, ო. ჭურღულია, ნ. დოლენჯიშვილი; მის რეპერტუარში იყო, ქართული ქმნილებები: ქეთო (ვ. დოლიძე "ქეთო და კოტე"), ლერწამისა (ა. კერესელიძე "ბაში-აჩუკი"), ნესტანი (დ. არაყიშვილი "თქმულება შოთა რუსთაველზე"), მზექალა (დ. თორაძე "მთების ძახილი"), თამრო (ა. ანდრიაშვილი "ლაშქარა"), ყაყაჩო, ციცინათელა (ა. ბუკია "დაუპატიჟებელი სტუმრები"), წითელქუდას ბებია (ი. გოკიელი "წითელქუდა"); სხვა რეპერტუარი: ტატიანა (ჩაიკოვსკი "ევგენი ონეგინი"), ქსენია (მუსორგსკი "ბორის გოდუნოვი"), ჩიო-ჩიო-სანი (პუჩინი "ჩიო-ჩიო-სანი"), დეზდემონა (ვერდი "ოტელო"), თამარი (რუბინშტეინი "დემონი"), ნედა (ლეონკავალო "ჯამბაზები"), მიქაელა (ბიზე "კარმენი"), მარგარიტა (გუნო "ფაუსტი"). 

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 88; საიუბილეო თარიღები: თეატრი, მუსიკა, კინო.- თბ., 2008.- გვ. 44

• 1960 - საქართველოს დამსახურებული არტისტი