ირინა ტიმოშჩუკი

დაბადების ადგილი: ქ. თბილისი.

დაამთავრა ა. პუშკინის სახელობის პედაგოგიური ინსტიტუტის ქიმიის ფაკულტეტი 1967 წელს.

1967-1973წწ. იყო აკადემიკოს კ. ერისთავის სახელობის ექსპერიმენტული და კლინიკური ქირურგიის ინსტიტუტის ალერგოლოგიისა და მიკრობიოლოგიის ლაბორატორიის უფროსი ლაბორანტი; 1973-1988წწ. იმუნოლოგიის ლაბორატორიის უმცროსი მეცნიერ-თანამშრომელი, 1988 წლიდან ამავე ლაბორატორიის უფროსი მეცნიერ-თანამშრომელი. ავტორია 70 სამეცნიერო ნაშრომისა, რომლებიც ეხება ქსოვილების ტიპირების, განდევნის კრიზისის ადრეული დიაგნოსტიკის, პოსტტრანსპლანტაციური პერიოდის იმუნოლოგიური მონიტორინგის, ქირურგიულ ავადმყოფებში კლინიკური იმუნოლოგიისა და იმუნორეაბილიტაციის პრობლემებს. იმუნოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "იმუნოლოგიური მონიტორინგი ფილტვის ქრონიკულ-ჩირქოვანი პათოლოგიის კორექციის შეფასებისათვის", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.263

• თბილისის იმუნოლოგთა, ალერგოლოგთა და იმუნორეაბილიტაციის სამეცნიერო საზოგადოება, წევრი