რახილ გლეზერი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1928 წელს(საფორტეპიანო).

1928 წლიდან მუშაობდა საქართველოს რადიოკომიტეტში; 1934–1938წწ. მუშაობდა მოსკოვის საკავშირო რადიოსა და ფილარმონიაში; 1939 წელს დაბრუნდა საქართველოში და სიცოცხლის ბოლომდე მუშაობდა ფილარმონიის კონცერტმაისტერად; 1956–1970წწ. იყო თბილისის II მუსიკალური სასწავლებლის პედაგოგი(მხატვრული აკომპანემენტი); გლეზერის ხელმძღვანელობით ქართველმა საოპერო მომღერლებმა(ს. ინაშვილი, გ. გოგიჩაძე, ბ. კრავეიშვილი, ნ. ხარაძე, მ. ნაკაშიძე, ე. სოხაძე, ნ. ცომაია, პ. ამირანაშვილი, დ. ბადრიძე, ლ. ჭყონია) მოამზადეს მთელი რიგი საოპერო პარტიებისა, კამერული რეპერტუარი; საოპერო მომღერალ გ. გოგიჩაძის მეუღლე; პიანისტი, კონცერტმაისტერი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 112

• 1956 - საქართველოს დამსახურებული არტისტი