ეთერ ტოფაძე

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1949-1951წწ. იყო ბათუმის რკინიგზის საავადმყოფოს ექიმი-ლაბორანტი; 1953-1961წწ. თბილისის მე-11, მე-12 ბავშვთა პოლიკლინიკის უბნის პედიატრი; 1961-1971წწ. კურორტოლოგიისა და ფიზიოთერაპიის სამეცნიერო-კვლევითი ინსტიტუტის ბავშვთა განყოფილების უმცროსი მეცნიერ-თანამშრომელი, 1971 წლიდან ამავე განყოფილების უფროსი მეცნიერ-თანამშრომელი, 1980 წლიდან ხელმძღვანელობს პედიატრიულ ჯგუფს. ავტორია 54 სამეცნიერო ნაშრომისა საქართველოს კურორტებზე დაავადებულ ბავშვთა სანატორიულ-კურორტული მკურნალობის, რეაბილიტაციისა და პროფილაქტიკის საკითხებზე. იყო საქართველოს ჯანმრთელობის დაცვის სამინისტროს მთავარი სპეციალისტი ბავშვთა სანატორიულ-კურორტული დახმარების დარგში, საქართველოს კურორტებზე არსებული ბავშვთა სანატორიუმების კონსულტანტი. პედიატრი-კურორტოლოგი. მედიცინის მეცნიერებათა კანდიდატი. უფროსი მეცნიერ-თანამშრომელი.

საკანდიდატო დისერტაციის თემა - "ბრონქული ასთმით დაავადებულ ბავშვთა კლიმატური მკურნალობის შედარებითი ეფექტურობა საქართველოს სხვადასხვა სიმაღლის კურორტების პირობებში", დაიცვა 1970 წელს. 

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.265

• საქართველოს კურორტოლოგთა და ფიზიოთერაპევტთა სამეცნიერო საზოგადოება, წევრი
• საქართველოს პედიატრთა საზოგადოება, წევრი

• 1988 - შრომის ვეტერანის მედალი