ნოდარ უჯმაჯურიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს.

1973-1974წწ. იყო თელავის რაიონული საავადმყოფოს ექიმი-ინტერნი; 19074-1976წწ. - საბჭოთა არმიის რიგებში, სამხედრო ექიმი; 1976 წლიდან - უროლოგიის სამეცნიერო-კვლევითი ინსტიტუტის ექიმი-უროლოგი; 1991 წლიდან - ამავე ინსტიტუტის დირექტორის მოადგილე სამეცნიერო-კლინიკურ ნაწილში. არის 60-მდე სამეცნიერო ნაშრომის ავტორი. 5 საკანდიდატო და 1 სადოქტორო დისერტაციის ხელმძღვანელი. ექიმი-უროლოგი, მედიცინის მეცნიერებათა დოქტორი (1994), პროფესორი (1996).

საკანდიდატო დისერტაციის თემა - "რეტროპერიტონალური სიმსივნეების ულტრაბგერითი დიაგნოსტიკა", დაიცვა 1982 წელს; სადოქტორო დისერტაციის თემა - "თირკმელების და ზედა საშარდე გზების დაავადებების პერკუტანული და ენდოსკოპიური დიაგნოსტიკა და მკურნალობა", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.269; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.370; უროლოგიის ეროვნული ცენტრი: urologycenter.ge

• ევროპის უროლოგთა ასოციაცია, წევრი
• მსოფლიოს ენდოუროლოგთა ასოციაცია, წევრი