გიორგი უშვერიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1944 წელს.

1944-1945 წლებში იყო კურორტ აბასთუმნის ექიმი-ფტიზიატრი, 1945-1952 წლებში თბილისის სახელმწიფო სამედიცინო ინსტიტუტის თერაპიის კათედრის ორდინატორი, ასისტენტი, 1952-1968 წლებში საქართველოს კურორტოლოგიის სამეცნიერო-კვლევითი ინსტიტუტის უფროსი მეცნიერ-თანამშრომელი, განყოფილების გამგე, 1968 წლიდან საქართველოს კურორტოლოგიის, ფიზიოთერაპიისა და რეაბილიტაციის  სამეცნიერო-კვლევითი ინსტიტუტის დირექტორის მოადგილე სამეცნიერო დარგში. ავტორია 120 სამეცნიერო ნაშრომისა შინაგანი დაავადებების კლიმატური ფაქტორებით მკურნალობის პრობლემებზე. გამოქვეყნებული აქვს მონოგრაფიები: "ტუბერკულოზის კლიმატოთერაპია", თბილისი, 1956; "კურორტი აბასთუმანი და მისი სამკურნალო თვისებები", თბილისი, 1960; "საქართველოს კურორტები"(თანაავტორებთან ერთად), თბილისი, 1982; "კურორტები"(ენციკლოპედიური ერთტომეული, თანაავტორებთან ერთად), მოსკოვი, 1983; "საქართველოს კურორტები და საკურორტო რესურსები"(თანაავტორებთან ერთად), მოსკოვი, 1983. ექიმი. მედიცინის მეცნიერებათა დოქტორი. პროფესორი. საქართველოს კურორტოლოგიის, ფიზიოთერაპიისა და რეაბილიტაციის  სამეცნიერო-კვლევითი ინსტიტუტის დირექტორის მოადგილე სამეცნიერო დარგში.

საკანდიდატო დისერტაციის თემა-"ნახშირწყლების ცვლა ტუბერკულოზის დროს აბასთუმნის მთის ჰავის პირობებში", დაიცვა 1952 წელს; სადოქტორო დისერტაციის თემა-"საშუალო სიმაღლის მთის ჰავის თერაპიული მოქმედების მექანიზმები", დაიცვა 1972 წელს. 

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.269; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.99

• საქართველოს კურორტოლოგთა და ფიზიოთრეაპევტთა რესპუბლიკური სამეცნიერო საზოგადოება, თავმჯდომარე
• საქართველოს პროფილაქტიკური მედიცინისა და ადამიანის ეკოლოგიის მეცნიერებათა აკადემია, განყოფილების ხელმძღვანელი
• საქართველოს პროფილაქტიკური მედიცინისა და ადამიანის ეკოლოგიის მეცნიერებათა აკადემია, აკადემიკოსი

• 1998 - ღირსების ორდენი
  ჯანმრთელობის დაცვის დარგში შეტანილი პირადი დიდი წვლილისა და ნაყოფიერი სამეცნიერო, პედაგოგიური და საზოგადოებრივი მოღვაწეობისათვის
• 1993 - საქართველოს სახელმწიფო პრემია, მეცნიერებისა და ტექნიკის დარგში
• 1986 - საპატიო ნიშნის ორდენი
• 1984 - საქართველოს მეცნიერებათა დამსახურებული მოღვაწე

• საქართველოს სსრ კურორტები (თანაავტორი). - თბილისი, საბჭ.საქართველო, 1987. - 382გვ.