
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ჯუმბერ დოჭვირი

Date of birth:	25 July, 1946 (77 years)
Category:	Engineer, Scientist, Educator

Biography

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1969 წელს.

ინსტიტუტის დამთავრების შემდეგ დატოვებულ იქნა სამუშაოდ "სამრეწველო საწარმოთა ელექტრომოწყობილობის" კათედრაზე; 1970-1974წწ. ასისტენტის თანამდებობაზე; 1974-1977წწ. სწავლობდა ლენინგრადის ვ. ი. ულიანოვის სახელობის ელექტროტექნიკური უნივერსიტეტის (ლეტი) ასპირანტურაში; 1978 წლიდან დაბრუნდა სამუშაოდ საქართველოს ტექნიკურ უნივერსიტეტში იმავე კათედრის დოცენტის თანამდებობაზე; 2002 წლიდან არის საქართველოს ტექნიკური უნივერსიტეტის ენერგეტიკისა და ტელეკომუნიკაციის ფაკულტეტის პროფესორი; მისი სამეცნიერო ინტერესების სფეროა ელექტროენერგეტიკული მანქანების (ელექტროამძრავებისა და გენერატორების) ავტომატური მართვის სისტემები. იგი არის 50-მდე სამეცნიერო სტატიის ავტორი, მათგან 4 სტატია გამოქვეყნებულია აშშ-ში, 10 რუსეთში (მოსკოვსა და ლენინგრადში), 10 უკრაინაში (კიევში, ზაპოროჟიეში, ოდესაში) და სხვ. აგრეთვე გამოცემული აქვს 3 მონოგრაფია და 10-მდე სახელმძღვანელო სტუდენტებისათვის; მის მიერ ჩატარებული თეორიული და ექსპერიმენტული კვლევები, ორძრავიან ტირისტორულ ელექტროამძრავებში, მრავალი გამოგონების შემცველია; შემუშავებული აქვს მრავალძრავიანი დრეკადლილვებიანი ამძრავების დინამიკური რეჟიმების მათემატიკური მოდელები და მათი მართვის სისტემების გარდამავალი პროცესების ოპტიმიზაციის მეთოდები; ცნობილი ფირმების Siemens-ის, AEG-ს და Harland-ის სქემების შესწავლის ბაზაზე შემუშავებული აქვს მართვის სქემა ორძრავიანი ტირისტორული ელექტროამძრავისა სიჩქარის ერთი და დენის ინდივიდუალური რეგულატორებით, რომელიც ავტომატურად ახორციელებს ძრავებს შორის დატვირთვის პროპორციულ განაწილებას. საკანდიდატო დისერტაცია დაიცვა 1977 წელს ლენინგრადის ელექტროტექნიკურ უნივერსიტეტში; სადოქტორო დისერტაცია 2002 წელს საქართველოს ტექნიკურ უნივერსიტეტში. მიღებული აქვს საქართველოს მეცნიერებათა ეროვნული აკადემიის გრანტი, შოთა რუსთაველის ეროვნული სამეცნიერო ფონდის გრანტი (2014). 2017 წლიდან მას მიენიჭა ემერიტუსის (დამსახურებული პროფესორის) წოდება.

წყარო: საქართველო: ენციკლოპედია: ტ.2. - თბ., 2012. - გვ.490

Awards and Honors

1984 - საქართველოს სახალხო მეურნეობათა გამოფენა, პირველი ხარისხის სიგელი

Bibliography

ავტომატიზებული ელექტროამძრავი (Author). - თბილისი, ტექნიკური უნივერსიტეტი, 2017. - 73გვ.. - ISBN: 978-9941-20-957-4
გენერატორების მართვა უკუკავშირებით (Author). - თბილისი, ტექნიკური უნივერსიტეტი, 2017. - 69გვ.. - ISBN: 978-9941-20-882-9
მეტალურგიული წარმოების ელექტროამძრავები (Author). - თბილისი, ტექნ. უნ-ტი, 2009. - 57გვ.. - ISBN: 978-9941-14-724-1
ელექტროამძრავების ანალოგური და ციფრული მართვა : სახელმძღვ. (Co-Author). - თბილისი, ტექნ. უნ-ტი, 2007. - 127გვ.. - ISBN: 978-99940-957-4-2
სწრაფქმედი ტირისტორული ელექტროამძრავები მოდალური მართვით და დამკვირვებელი მოწყობილობებით (Co-Author). - თბილისი, ტექნ. უნ-ტი, 2004. - 48გვ.
მრავალძრავიანი ავტომატიზებული ელექტროამძრავების დინამიკა (Co-Author). - თბილისი, მეცნიერება, 2004. - 111გვ.. - ISBN: 99940-785-8-5
ავტომატიზებული ელექტროამძრავების გარდამავალი პროცესების გაანგარიშება ცვლადების მდგომარეობის სივრცის და სიხშირული მახასიათებლების მეთოდებით (Author). - თბილისი, ტექნ. უნ-ტი, 2003. - 33გვ.