გურამ ქერაშვილი

დაბადების ადგილი: ქ. დუშეთი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1966 წელს.

1966-1967წწ. იყო საკრამულას(დუშეთის რაიონი) საექიმო ამბულატორიის გამგე; 1968-1970წწ. ბარისახოს საუბნო საავადმყოფოს გამგე; 1970-1972წწ. ექსპერიმენტული და კლინიკური ქირურგიის ინსტიტუტის კლინიკური ორდინატორი; 1972-1976წწ. თბილისის სამგორის რაიონის საავადმყოფოს პოლიკლინიკის მთავარი ექიმი; 1976-1978წწ. ბავშვთა IV კლინიკური საავადმყოფოს მთავარი ექიმი, 1979 წელს ჯანმრთელობის დაცვის სამინისტროს სპეციალიზირებული სამედიცინო დახმარების სამსახურის უფროსი; 1979-1985წწ. რეაპუბლიკური ცენტრალური კლინიკური საავადმყოფოს მთავარი ექიმის პირველი მოადგილე; 1985-1987წწ. საქართველოს ჯანმრთელობის დაცვის მინისტრის მოადგილე, 1987 წლიდან ინფექციური პათოლოგიის ცენტრის მთავარი ექიმი. არის 20-მდე სამეცნიერო ნაშრომის ავტორი. სოციალური ჰიგიენისა და ჯანდაცვის ორგანიზატორი. მედიცინის მეცნიერებათა კანდიდატი, ინფექციური პათოლოგიის ცენტრის მთავარი ექიმი. 

საკანდიდატო დისერტაციის თემა - "საშარდე გზების მთლიანობის აღდგენის სხვადასხვა მეთოდების შედარებითი შეფასება თირკმელების აუტოტრანსპლანტაციის დროს", დაიცვა 1974 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.285

• ინფექციონისტთა სამეცნიერო საზოგადოება, წევრი
• ჯანდაცვის ორგანიზატორთა სამეცნიერო საზოგადოება, წევრი