ამირან ქორიძე

დაბადების ადგილი: ქ. თბილისი.

დაამთავრა ნოვოსიბირსკის სახელმწიფო სამედიცინო ინსტიტუტის სამკურნალო ფაკულტეტი 1974 წელს.

1984 წელს იყო ნოვოსიბირსკის №4 სამშობიარო სახლის ობსერვაციული განყოფილების გამგე; 1985 წელს თბილისის №5 სამშობიარო სახლის ობსერვაციული განყოფილების გამგე, თბილისის პირველი კლინიკური საავადმყოფოს სამეანო განყოფილების გამგე; 1995 წლიდან თბილისის ექსპერიმენტული სამშობიარო სახლის დირექტორი და თბილისის სახელმწიფო სამედიცინო უნივერსიტეტის მეანობა-გინეკოლოგიის კათედრის დოცენტი. ავტორია 8 სამეცნიერო ნაშრომისა მეანობა-გინეკოლოგიის აქტუალურ საკითხებზე. მეან-გინეკოლოგი, მედიცინის დოქტორი, პროფესორი.

საკანდიდატო დისერტაციის თემა - "ორსულთა მძიმე ტოქსიკოზის ფონზე წარმოებული საკეისრო კვეთის შემდგომ მელოგინეთა კლინიკურ-იმუნოლოგიური და ელექტროფიზიოლოგიური გამოკვლევები", დაიცვა 1995 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.288; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.324

• 2023 - თბილისის საპატიო მოქალაქე
• 1998 - ღირსების ორდენი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის