როლანდ დუდუჩავა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1968 წელს.

1970 წლიდან მუშაობდა ა. რაზმაძის სახელობის მათემატიკის ინსტიტუტში სხვადასხვა თანამდებობაზე; 1973-2004წწ. თბილისის სახელმწიფო უნივერსიტეტის გამოყენებითი მათემატიკისა და მექანიკა-მათემატიკის ფაკულტეტებზე; 2002 წლიდან ა. რაზმაძის სახელობის მათემატიკის ინსტიტუტში მათემატიკა ფიზიკის განყოფილების გამგეა; 1993-2004წწ. იყო მიწვეული პროფესორი გერმანიის სხვადასხვა უნივერსიტეტებში; 2004-2007წწ. ზაარლანდის (ზაარბრიუკენი,გერმანია) უნივერსიტეტის დიფერენციალური გეომეტრიის კათედრის გამგის მოვალეობის შემსრულებელი; 2007-2009წწ. მუშაობდა ევრო-კავკასიურ ქართულ-გერმანულ უნივერსიტეტში; თანამშრომლობს რენეს(საფრანგეთი), ავეიროს(პორტუგალია), ამსტერდამის (ჰოლანდია), სანქტ-პეტერბურგის (რუსეთი) უნივერსიტეტებთან; 2000-2002წწ. სამეცნიერო კონტაქტით მუშაობდა აეროკოსმოსურ ფირმასთან "დორნიე" (დაიმლერ-კრაისლერი); სამეცნიერო ინტერესების სფეროებია: სასაზღვრო ამოცანები კერძოწარმოებულიანი დიფერენცირებული განტოლებებისათვის, ინტეგრალური განტოლებები, დრეკადობის თეორიის და ელექტრომაგნიტური ტალღების გავრცელების ამოცანები, ბოლცმანის არაწრფივი განტოლებები; არის რამდენიმე მონოგრაფიის ავტორი; 2009 წელს დაარსა საქართველოს მათემატიკოსთა კავშირის ბათუმის საერთაშორისო კონფერენციების სერია, რომელიც 2023 წელს ჩატარდა მეცამეტედ; 2019 წლიდან საქართველოს უნივერსიტეტის მათემატიკის ინსტიტუტის დირექტორი. მათემატიკის მეცნიერებათა დოქტორი (1983), პროფესორი (1989).

წყარო: საქართველო: ენციკლოპედია: ტ.2. - თბ., 2012. - გვ.504

• ა. ფონ ფუმბოლდტის ფონდი, წევრი (სტიპენდიანტი) (1981-)
• გერმანიის სამეცნიერო საზოგადოება, პროფესორი-მერკატორი (2002-2003)
• საქართველოს მათემატიკოსთა კავშირი, პრეზიდენტი (2009-)
• საქართველოს მათემატიკოსთა კავშირი, პრეზიდენტი (1997-2001)