თამაზ დუმბაძე

დაბადების ადგილი: ქ. თბილისი.

დაამთავრა მოსკოვის ვაჭრობის ინსტიტუტი 1979 წელს.

შრომითი საქმიანობა დაიწყო თბილისის N1 სამკერვალო ფაბრიკაში, სადაც განვლო გზა მუშიდან მომარაგების განყოფილების უფროსამდე. შემდეგ იყო მისი ერთ-ერთი ხელმძღვანელი; 1989-1990წწ. მონაწილეობდა ეროვნულ-განმათავისუფლებელ მოძრაობაში, ეროვნული გვარდიის შექმნასა და მის შემდგომი ფორმირების საქმეში; 1991-1992 წლებში იყო საქართველოს შეიარაღებული ძალების მთავარსარდლის მოადგილე; 1992-1998წწ. საქართველოს რესპუბლიკის თავდაცვის მინისტრის მოადგილე; აქტიურად მონაწილეობდა საქართველოს ტერიტორიული მთლიანობისათვის წარმოებულ სამხედრო მოქმედებებში. 1998-2004წწ. საქართველოს თავდაცვის მინისტრის განსაკუთრებულ დავალებათა ჯგუფის უფროსი. 1998 წელს გადადგა სამხედრო სამსახურიდან. ქართველი გენერალ-ლეიტენანტი.

წყარო: საქართველო: ენციკლოპედია: ტ.2. - თბ., 2012. - გვ.508; სამხედრო ფიცის ერთგულნი: ქართველი გენერლები.-თბ., 2015.-გვ.127; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.125

• 1998 - ვახტანგ გორგასლის I ხარისხის ორდენი (სრული კავალერი)
  სამშობლოს დაცვისა და ერთიანობისათვის ბრძოლაში გამოჩენილი მამაცობისა და თავდადებისათვის
• 1997 - მედალი "მხედრული მამაცობისთვის"
• 1995 - ვახტანგ გორგასლის III ხარისხის ორდენი
• 1993 - ვახტანგ გორგასლის II ხარისხის ორდენი