ლატავრა ყურაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს.

1965-1966წწ. იყო პანსიონატ-პოლიკლინიკური გაერთიანების "ჟოეკვარის"(გაგრა) ექიმი-ორდინატორი; 1967-1987წწ. საქართველოს მწერალთა კავშირის პოლიკლინიკის ექიმი-ორდინატორი; 1987-1995წწ. თბილისის სახელმწიფო სამედიცინო ინსტიტუტის პოლიკლინიკური და გადაუდებელი თერაპიის კათედრის ასისტენტი; 1995 წლიდან თბილისის სახელმწიფო სამედიცინო უნივერსიტეტის შინაგან სნეულებათა №3 კათედრის დოცენტი. ავტორია 45 სამეცნიერო ნაშრომისა, მათ შორის ნაწილი გამოქვეყნებულია უცხოურ პრესაში. გამოქვეყნებული აქვს მონოგრაფია: "თრომბოჰემორაგიული სინდრომი"("საბჭოთა საქართველო", 1989). 1985 წელს თბილისის ჯანდაცვის სამმართველოსთან არსებული ექიმთა საატესტაციო კომისიის გადაწყვეტილებით მიენიჭა თერაპევტის უმაღლესი კატეგორია. თერაპევტი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "ჰემოსტაზური პროცესის მოშლის მკურნალობა გაურთულებელი და გართულებული ბრონქული ასთმით დაავადებულ ავადმყოფებში", დაიცვა 1979 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.302

• სახელმწიფო პრემია (თანაავტორებთან ერთად)