პეტრე დუნდუა

დაბადების ადგილი: ქ. ბორჯომი.

დაამთავრა საქართველოს სასოფლო-სამეურნეო ინსტიტუტის სატყეო-საინჟინრო ფაკულტეტი 1954 წელს.

მუშაობდა სხვადასხვა საპასუხისმგებლო თანამდებობაზე; იყო თბილისის ავეჯის საწარმოო გაერთიანება "განთიადის"(შომდგომში "მერქანის") გენერალური დირექტორი; სატყეო მრეწველობის სამეცნიერო-კვლევითი ინსტიტუტის დირექტორი; ამჟამად ეწევა პედაგოგიურ საქმიანობას საქართველოს ტექნიკურ უნივერსიტეტში; მისი კვლევის მიმართულებაა მერქნის დამზადების და უნარჩენო გადამუშავების ახალი ტექნოლოგიური პროცესების შემუშავება; გამოქვეყნებული აქვს 4 მონოგრაფია, 3 სახელმძღვანელო; მიღებული აქვს 25 საავტორო მოწმობა და პატენტი გამოგონებაზე; მეტყევე ინჟინერი, ტექნიკურ მეცნიერებათა დოქტორი (2003), პროფესორი (2006).

წყარო: საქართველო: ენციკლოპედია: ტ.2. - თბ., 2012. - გვ.511; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.187; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.230; facebook.com

• 2001 - ღირსების ორდენი
• 1990 - საქართველოს სახელმწიფო პრემია
• 1982 - საქართველოს დამსახურებული ინჟინერი

• ხე-ტყის დასამზადებელი მანქანები და მოწყობილობები (თანაავტორი) // ნაწ. 2. - თბილისი, ტექნ. უნ-ტი, 2013. - 200გვ. . - ISBN: 9789941202322
• ხე-ტყის დასამზადებელი მანქანები და მოწყობილობები (თანაავტორი) // ნაწ. 1, ხე-ტყის დამზადებისა და ტრანსპორტირების ტექნოლოგია. - თბილისი, ტექნ. უნ-ტი, 2013. - 186გვ.. - ISBN: 9789941202315