ევგენია გურაშვილი

დაბადების ადგილი: ქ. თბილისი.

დაამთავრა თბილისის IV მუსიკალური სასწავლებელი 1954 წელს, ვანო სარაჯიშვილის სახელობის თბილისის სახელმწიფო კონსერვატორია (ვოკალური).

1954 წლიდან სიცოცხლის ბოლომდე იყო თბილისის მუსკომედიის თეატრის წამყვანი მსახიობი; შესრულებული აქვს 70-მდე სცენური სახე, მათ შორის ოპერეტები: ჭრიჭინა (რ. გაბიჩვაძე "ჭრიჭინა"), ფატი, თინა (შ. მილორავა "საყვარელი დისშვილი", "სიმღერა თბილისზე"), მარინე (რ. ლაღიძე "კომბლე"), ნუცა (ა. შავერზაშვილი "აღლუმი"), ქიგალე(ნ. გუდიაშვილი "სალხინობელი"), ტასია (შ. აზმაიფარაშვილი "რაც გინახავს, ვეღარ ნახავ"), სოფო, ლიზა (გ. ცაბაძე "კურკას ქორწილი"); სხვა რეპერტუარი: პერიკოლა (ოფენბახი "პერიკოლა"), სილვა, პალინსკაია, მარიცა, ვიოლეტა(კალმანი "სილვა", "ცირკის პრინცესა", "მარიცა", "მონმარტრის ია"), ჩანიტა (მილიუტინი "ჩანიტას კოცნა"), ანჟელიკა (მოდუნიო "შავი ურჩხული"), გულჩორა (ჰაჯიბეკოვი "არშინ მალალან").

წყარო: ქართული მუსიკის ენციკლოპედიური ლექსიკონი. – თბ., 2015. – გვ.132

• 1961 - საქართველოს დამსახურებული არტისტი