თეა დემურიშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1992 წელს (ვოკალური).

1994-1996წწ. გაიარა სპეციალიზაცია ოზიმოს (იტალია) აკადემიაში, პედაგოგები ს. სეგალიონი, მ. მელანი (ვოკალი, მეცო-სოპრანო), 1996 წლიდან გაიარა ვოკალის სპეციალური კურსი პედაგოგ ოლივერისთან, ამავე წელს გაიმარჯა კონკურსში და ჩაირიცხა მარია ჩიარას მასტერკლასში, ასევე გაიარა ვოკალის კურსი მილანის კონსერვატორიაში გ. კანეტისთან; მადრიდში შეასრულა კარმენის (ბიზე "კარმენი"), ამნერისის (ვერდი "აიდა") პარტიები; უექსფორდის (ირლანდია) ფესტივალზე შეასრულა მეცო-სოპრანოს წამყვანი პარტია; 1999 წელს "რადიო ფრანსეს" ფესტივალზე მთავარი პარტია (მასკანი "პარიზინა"), 2000 წელს ამავე ფესტივალზე კასანდრა (ვ. გნეჩი "კასანდრა"), მეცო-სოპრანოს პარტია (პროკოფიევი კანტატა "ალექსანდრე ნეველი"); თანამშრომლობს დირიჟორებთან: ჯ. არონოვიჩი, რ. დიმერი, კ. კასადესუსი, რ. ფიზა, რ. ჯოვანეტი; მის პარტნიორთა შორისაა: ლ. ათანელი, მ. ალვარესი, პ. ბურჭულაძე, მ. გულეგინა, ე. მარტონი, დ. მაცოლა, ჯ. საბატინი; 2012 წლიდან ზ. ფალიაშვილის სახელობის თბილისის ოპერისა და ბალეტის თეატრის სოლისტია; რეპერტუარი: კარმენი (ბიზე "კარმენი"), ამნერისი, მადალენა, აზუჩენა, პრესიოლა (ვერდი "აიდა", "რიგოლეტო", "ტრუბადური", "ბედის ძალა"), ადალჯიზა (ბელინი "ნორმა"), სუძუკი (პუჩინი "ჩიო-ჩიო-სანი"), თაღლითი მელა (იანაჩეკი "თაღლითი მელას თავგადასავალი"), ლიუბავა (რიმსი-კორსაკოვი "სადკო"), ფიოკლა ივანოვნა (მუსორგსკი "ქორწინება"), აგრეთვე: ვერდი რეკვიემი, მუსორგსკი "სიკვდილის სიმღერები და ცეკვები"; გასტროლებით შემოიარა: იტალია, გერმანია, საფრანგეთი, შვედეთი, არგენტინა; გამოცემულია კომპაქტ-დისკები ქართველი მეცო-სოპრანოს შესრულებით. 

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 146