ნინო ჩხოლარია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1959 წელს და თბილისის უცხო ენათა პედაგოგიური ინსტიტუტის ფრანგული ენის ფაკულტეტი 1969 წელს.

1959-1962წწ. იყო საქართველოს მეცნიერებათა აკადემიის ექსპერიმენტული მორფოლოგიის ინსტიტუტის ასპირანტი; 1963-1965წწ. უმცროსი, 1965-1991წწ. უფროსი მეცნიერ-თანამშრომელი, 1991 წლიდან ამავე ინსტიტუტის წამყვანი მეცნიერ-თანამშრომელი. ავტორია 58 სამეცნიერო ნაშრომისა, რომლებიც ეხება თიმუსის ლიმფოიდური პოპულაციის შესწავლას მორფოლოგიური კვლევის თანამედროვე მეთოდების გამოყენებით. გამოქვეყნებული აქვს მონოგრაფია: "Кровеносныесосуд селезенки"("Мецниереба", 1965, Тбилиси). ანატომი, მედიცინის მეცნიერებათა კანდიდატი. 

საკანდიდატო დისერტაციის თემა - "ელენთის სისხლძარღვები", დაიცვა 1964 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.334

• საზღვარგარეთის ქვეყნებთან მეგობრობის და კულტურული ურთიერთობის საქართველოს საზოგადოება, გამგეობის წევრი (1975-1988)
• საქართველოს ახალგაზრდული კომიტეტი, წევრი (1962-1970)
• საქართველოს ქალთა რესპუბლიკური კომიტეტი, პრეზიდიუმის წევრი