ანანია ერქომაიშვილი

დაბადების ადგილი: სოფელი მაკვანეთი, ოზურგეთის რაიონი.

იყო თავისი ძმის, არტემის მოწაფე; 1918 წელს არტემ, ვლადიმერ და გიგო ერქომაიშვილებთან, ასევე გიორგი ბაბილოძესთან ერთად მონაწილეობდა თბილისში გურული სიმღერების ნოტებზე ჩაწერაში; 1936 წლამდე ანანია ერქომაიშვილი არტემ ერქომაიშვილის გუნდის წევრი იყო, ხოლო 1936 წლიდან დასავლეთ საქართველოს ეთნოგრაფიული გუნდის სოლისტი; 1937 წელს მონაწილეობდა მოსკოვში გამართულ დეკადაზე; 1968 წელს ის თბილკვებვაჭრობის ანსამბლ "მეგობრობის" სოლისტი გახდა; 1977 წელს საქართველოს რადიოში ანანია ერქომაიშვილისაგან ჩაწერეს გურული სიმღერების სამივე ხმა; ჰქონდა მოქნილი, ფართო დიაპაზონის ხმა; ოსტატურად ასრულებდა ტესიტურისა და ხასიათის მხრივ განსხვავებულ ხმებს (ბანი, წვრილი, კრიმანჭული); მომღერალ-მგალობელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 166

• საქართველოს დამსახურებული არტისტი