ანა ვარდიაშვილი

დაბადების ადგილი: სოფელი საბუე, ყვარლის რაიონი.

1928-1931წწ. სწავლობდა რუსთაველის თეატრთან არსებულ სტუდიაში, რომლის დამთავრების შემდეგ იყო ამავე თეატრის მსახიობი; 1927 წელს პირველად გამოვიდა ფანდურით თელავში ე. ახვლედიანის მოთავეობით გამართულ პოეტ მარიჯანის საპატივსაცემო კონცერტზე; 1940-იან წლებში სსრკ რადიოკომიტეტის დავალებით ატარებდა კონცერტებს ხ. ტალგაუკოვის მედუდუკეთა ანსამბლის თანხლებით, პარალელურად იყო ფილარმონიის სოლისტი; 1941 წელს მიიწვიეს საქართველოს რადიოკომიტეტში, სადაც მღეროდა ქართულ ხალხურ სიმღერებსა და რომანსებს; 1941-1945წწ. მუშაობდა თბილისის პიონერთა სასახლეში; 1948 წლიდან მუშაობდა სიმღერის მასწავლებლად ქ. ქლუხორის ბავშვთა სახლში; 1949-1957წწ. იყო თბილისის სხვადასხვა სკოლის მასწავლებელი; რეპერტუარი, ქართული ხალხური ხიმღერები, მათ შორის: "იავნანა", "არწივი", "გუთნური", "ციცინათელა", "სალამი ჩიტუნებო", "სიზმარი", "მოხევის ქალო თინაო", "მშვენიერო, შენ გეტრფი", "მუხამბაზი", "კეკელა და მარო", "თამარ-ქალის სიმღერა"; მისი მამა იყო მომღერალი, რატილის მომღერალთა გუნდის წამყვანი სოლისტი, სასულიერო პირი, დეკანოზი დიმიტრი (ტიტე) ნიკოლოზის ძე ვარდიაშვილი (1872-1924).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 171