გიორგი ვაჩნაძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1991 წელს (საფორტეპიანო).

სწავლა გააგრძელა ნიუ-იორკის კოლეჯში "Mannes College The New School for Music"(დაამთავრა 1994); პედაგოგი ა. არონოვი (ფორტეპიანო); ასევე დაამთავრა ინდიანას შტატის "Indiana University South Bend" მაგისტრატურა და ასპირანტურა, პედაგოგი ლ. თორაძე (ფორტეპიანო); ამჟამად არის ჩიკაგოს დე პოლის უნივერსიტეტის პედაგოგი და საფორტეპიანო კათედრის გამგე; მას ჰყავს საერთაშორისო კონკურსის ლაურეატი ბევრი სტუდენტი; თავად გამოდის სოლო კონცერტებით, მათ შორის, ლინკოლნ ცენტრის დარბაზში; მონაწილეობს ფესტივალებში: სანქტ-პეტერბურგი "თეთრი ღამეები", ჰოლივუდის, რავინიას, სტრესას, როტერდამის, "მიკელის" (ფინეთი), ზალცბურგის, მაჯიოს, გილმორის, ვუდსტოკის, სტრავინსკის, ედინბურგის, ამ უკანასკნელზე მიიღო გაზეთ "Scottish Herald"-ის ჯილდო "ჰერალდ ენჯელი"; პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 174

• 1998 - პალმ-ბიჩის დახურული კონკურსი
• 1997 - ნიუ-იორკის კონკურსი
• 1996 - ალაბამას კონკურსი
• 1994 - ბაჩაუერის სახელობის კონკურსი(სოლტ-ლეიკ-სითი) (IV ადგილი)