გივი წიწუაშვილი

დაბადების ადგილი: ქ. გორი.

დაამთავრა თბილისის სახელმწიფოსამედიცინო ინსტიტუტის სამკურნალო ფაკულტეტი 1961 წელს.

1962–1964წწ. მუშაობდა გორის საავადმყოფოში; 1965 წლიდან იყო კ. ერისთავის სახელობის ქირურგიის ინსტიტუტის თანამრომელი; აქვე დაამთავრა ასპირანტურა. იყო უმცროსი მეცნიერ–თანამშრომელი, უფროსი მეცნიერ–თანამშრომელი, სისხლძარღვთა ქირურგიის განყოფილების ხელმძღვანელი. ავტორია 70 სამეცნიერო ნაშრომის. დასტამბული აქვს სამი მონოგრაფია. მისი ხელმძღვანელობით დაცულია 4 დისერტაცია. ანგიოქირურგი, მედიცინის მეცნიერებათა დოქტორი.

საკანდიდატო დისერტაციის თემა - "კუჭის ლოკალური ჰიპოთერმია", დაიცვა 1969 წელს.

სადოქტორო დისერტაციის თემა - "აორტის რკალის ტოტების არასპეციფიკური აორტო–არტერიიტი", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.345

• ანგიოლოგთა ასოციაცია, წევრი
• ანგიოქირურგთა ასოციაცია, წევრი
• ქირურგთა საერთაშორისო კოლეჯი (ჩიკაგო აშშ), წევრი
• ქირურგთა საზოგადოება, ხელმძღვანელი