ვიქტორ ვილშაუ

დაბადების ადგილი: ქ. მოსკოვი.

შექმნა ქართველ მევიოლინეთა ძლიერი სკოლა; სწავლობდა ჯერ მამასთან, რობერტ ფიოდორის ძესთან, შემდეგ მოსკოვის კონსერვატორიაში, პედაგოგები ი. ვ. გრჟიმალი (ვიოლინო), პ. ა. პაბსტი(ფორტეპიანო), შემდეგ გერმანიაში - ე. პეტრი (ფორტეპიანო), ი. იოახიმი (ვიოლინო); 1895 წლიდან სიცოცხლის ბოლომდე ცხოვრობდა თბილისში; 1917 წლიდან იყო ვ. სარაჯიშვილის სახელობის თბილისის სახელმწიფო კონსერვატორიის პროფესორი; გამოდიოდა კონცერტებით, იყო სიმებიანი კვარტეტის, კვინტეტის, ტრიოს წევრი; მოწაფეები: თ. ძნელაძე (პირველი ქართველი მევიოლინე ქალი), ლ. იაშვილი, ლ. შიუკაშვილი, ა. ვარაზი (მხატვარი); თბილისში მოღვაწე გერმანელი მევიოლინე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 176