ნატალია ვოლჩენკო

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1995 წელს (ვოკალური).

1993 წლიდან არის ზ. ფალიაშვილის სახელობის თბილისის ოპერისა და ბალეტის თეატრის სოლისტი (მეცო სოპრანო); 2008 წლიდან ვ. სარაჯიშვილის სახელობის თბილისის სახელმწიფო კონსერვატორიის პედაგოგი(ვოკალი), 2010 წლიდან თბილისის ე. მიქელაძის სახელობის მუსიკალური კოლეჯის პედაგოგი, 2012 წლიდან თბილისის N28 მუსიკალური სკოლის ვოკალური განყოფილების გამგე და პედაგოგი; რეპერტუარი, ქართული: ნათელა, ნანო (ზ. ფალიაშვილი "აბესალომ და ეთერი", "დაისი"), ბარბალე (ვ. დოლიძე "ქეთო და კოტე"), აიეტის ასული (ბ. კვერნაძე "მედეა"); ვოკალურ-ინსტრუმენტული: მ. ოძელი "დაკარგული ედემი"(2015 წელს პირველი შესრულება), სხვა რეპერტუარი: ამნერისი, ებოლი, მადალენა, აზუჩენა, ულრიკა, ფლორა (ვერდი "აიდა", "დონ კარლოსი", "რიგოლეტო", "ტრუბადური", "ბალ-მასკარადი", "ტრავიატა"), კარმენი(ბიზე "კარმენი"), დალილა (სენ-სანსი "სამსონ და დალილა"), სანტუცა (მასკანი "სოფლის ღირსება"), როზინა (როსინი "სევილიელი დალაქი"), პოლინა, მილოვზორი, ლიზა (ჩაიკოვსკი "პიკის ქალი"); ბეთჰოვენი სიმფონია N9, ვერდი რეკვიემი, პერგოლეზი "Stabat Mater", მალერი სიმფონია N2, ბრუკნერი რეკვიემი; კამერული რეპერტუარი, ვოკალური ციკლები: შუმანი, ვაგნერი, დე ფალია, ობრადოსი, მუსორგსკი, შოსტაკოვიჩი. მუსიკოლოგიის აკადემიის დოქტორი.

სადოქტორო დისერტაციის თემა - "დავით ანდღულაძის მეთოდიკა, როგორც ფონიაციური აპარატის დაცვითი მექანიზმი".

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 180

• 2003 - საქართველოს მუსიკოს შემსრულებელთა კონკურსი(თბილისი), I პრემია
• 1996 - საერთაშორისო კონკურსი "ვერდის ხმები", ლაურეატი, (ბუსეტო)
• 1995 - საქართველოს მუსიკოს შემსრულებელთა I საერთაშორისო კონკურსი(თბილისი), I პრემია
• 1994 - ვოკალისტთა საერთაშორისო კონკურსი, III პრემია, (ტულუზა)