ლევან ყანჩაველი

დაბადების ადგილი:  სოფელი ალავერდი, ზესტაფონის რაიონი.

დაამთავრა თბილისის სახელმწიფო უნივერსიტეტის საბუნებისმეტყველო ფაკულტეტი ბოტანიკის განხრით 1927 წელს.

1931-1976წწ. თბილისის ბოტანიკური ბაღის მიკოლოგიისა და ფიტოპათოლოგიის ლაბორატორიის ბაზაზე დაარსებული მცენარეთა დაცვის ინსტიტუტის დირექტორი; 1976 წლიდან ამავე ინსტიტუტის უფროსი მეცნიერ-თანამშრომელი. მისი მეცნიერული კვლევის უმთავრესი პრობლემები შეეხება საქართველოს მიკოფლორის პარაზიტულ წარმომადგენლებს; მანვე შეისწავლა საქართველოს მთიანი ზონის მარცვლეული კულტურების დაავადებანი და გავრცელების პირობები; გამოიკვლია ტყის ჯიშებისა და კულტურების სოკოვანი დაავადებანი და სხვ. ავტორია უმაღლესი სასწავლებლების სახელმძღვანელოებისა.

წყარო: ქართული საბჭოთა ენციკლოპედია, ტ. 10, თბ., 1986, გვ. 622

• საქართველოს მეცნიერებათა აკადემია, აკადემიკოსი (1950-1987)

• 1962 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• ხალხთა მეგობრობის ორდენი
• შრომის წითელი დროშის ორდენი
• ლენინის ორდენი (2 ორდენი)

• სასოფლო-სამეურნეო ფიტოპათოლოგია : სახელმძღვ. უმაღლ. სასწ. ბიოლოგიის სპეც. სტუდ. (ავტორი). - თბილისი, განათლება, 1987. - 599გვ.
• ლიმონის ხმელა (მალსეკო) და მასთან ბრძოლა (ავტორი). - თბილისი, საქ. სსრ მეცნ. აკად. გამ-ბა, 1949. - 48გვ.
• სასოფლო-სამეურნეო კულტურების ავადმყოფობანი და მათთან ბრძოლა (ავტორი) // ნაწ. 2: ვაზი, ხეხილი, სუბტროპიკული და ბოსტნეული კულტურები, ტყის ჯიშები. - თბილისი, ტექნიკა და შრომა, 1945. - 353გვ.
• სასოფლო-სამეურნეო კულტურების ავადმყოფობანი და მათთან ბრძოლა (ავტორი) // ნაწ. 1: მინდვრისა და ტექნიკური კულტურები. - თბილისი, სახელგამი, 1942. - 356გვ.
• ფიტოპათოლოგია : მოკლე კურსი (ავტორი). - ტფილისი, სახელგამის გა-მა, 1931. - 305, [1]გვ.