პავლე შენგელია

დაბადების ადგილი: ქ. ქუთაისი.

დაამთავრა საქართველოს სახელმწიფო პოლიტექნიკური ინსტიტუტი ინჟინერ მშენებლის სპეციალობით 1930 წელს.

1930 წელს მუშაობდა რიონჰესის მშენებლობის საპროექტო განყოფილებაში; 1932 წელს თბილჰიდროპროექტში უფროს ინჟინრად; 1944 წელს დაინიშნა საქართველოს მინისტრთა საბჭოს საგეგმო კომისიის სათბობისა და ენერგეტიკის განყოფილების უფროსად; 1951-1970წწ. საქართველოს მეცნიერებათა აკადემიის ენერგეტიკის ინსტიტუტის დირექტორია; 1970-1971წწ. ენერგეტიკისა და ჰიდროტექნიკურ ნაგებობათა სამეცნიერო კვლევითი ინსტიტუტის დირექტორის მოადგილეა; 1936-1971წწ. ეწეოდა პედაგოგიურ მოღვაწეობას; ავტორია 100 ზე მეტი სამეცნიერო შრომისა; მისი შრომები ეხება საქართველოს და ამიერკავკასიის ენერგეტიკის განვითარების საკითხებს, როგორიცაა - წყლის ენერგიის მარაგის გათვლის თეორია  და პრაქტიკა, ჰიდროელექტროსადგურების და მათი ცალკეული ნაგებობების ოპტიმალური პარამეტრების დადგენის მეთოდიკა, ჰიდროელექტროსადგურების წყალგამყვან ნაგებობათა ეკონომიური ანგარიში; განსაკუთრებით აღსანიშნავია მისი ფუნდამეტური ნაშრომი მთის მდინარეების კასკადური გამოყენების მეცნიერული საფუძვლების დამუშავების შესახებ, რომელიც გამოქვეყნდა მის მონოგრაფიაში. მის მიერ დამუშავებული ენერგეტიკული სქემების საფუძველზე დაპროექტდა და აშენდა გუმათიჰესი 1, გუმათიჰესი 2, ვარციხეჰესი, ლაჯანურიჰესი, ჩითახევჰესი, ბჟუჟაჰესი, არზნისჰესი (სომხეთში), მინგეჩაურის წყალსადენის სისტემა (აზერბაიჯანში). იგი ერთ-ერთი ავტორია  თბილისის წყალსაცავის კომპლექსური გამოყენების, ხრამ-მაშავერის ენეროირიგაციული სისტემის, ზემო ალაზნის არხის. იყო საქართველოში მაღალი კაშხლების მშენენლობის ინიციატორი. ტექნიკურ მეცნიერებათა დოქტორი, პროფესორი.

წყარო: ქართული საბჭოთა ენციკლოპედია: ტ.10.-თბ.,1986.-გვ.716; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.395; კარგ ქართველთა საფლავები: geonecropol.ge

• გაეროს ელექტროენერგეტიკის საბჭოთა კომისია, წევრი
• მაღალი კაშხალების საერთაშორისო კომისიის ნაციონალური კომიტეტი, წევრი
• საქართველოს მაღალი კაშხლების კომისია, თავმჯდომარე
• საქართველოს მეცნიერებათა აკადემია, აკადემიკოსი (1969-)

• 1962 - საქართველოს მეცნიერებისა და ტექნიკის დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი (2 ორდენი)

• ჰიდროელექტრული სადგურები : სახელმძღვ. პოლიტექნ. ინ-ტის სტუდენტთათვის (ავტორი) // ნაწ. 1. - თბილისი, განათლება, 1967. - 272გვ.
• Вопросы каскадного использования горных рек (ავტორი). - Тбилиси, Изд-во АН Груз. ССР, 1961. - 300с.
• Природные ресурсы Грузии. Потенциальные гидроэнергетические ресурсы (თანაავტორი). - Москва, Изд-во АНССР, 1960. - 308с.
• Проблемы энергетики (თანაავტორი). - Москва, Изд-во АН ССР, 1959. - 858с.
• Основы построения каскада ГЭС на горной реке, работающего в мощной энергетической системе : Метод повышения напоров гидростанций каскад при колебаниях подпертых бьефов : Автореф. дис. на соискание учен. степ. докт. техн. наук / П.Г. Шенгелия ; Энергет. ин-т АН СССР (ავტორი). - Тбилиси, Изд-во АН Груз. ССР, 1956. - 33с.