ვადიმ ხატიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1991 წელს.

1991-1992წწ. ინტერნატურა გაიარა რუსეთის სახელმწიფო სამედიცინო უნივერსიტეტის მეანობა-გინეკოლოგიის კათედრაზე; 1992 წლიდან ი. ჟორდანიას სახელობის ადამიანის რეპროდუქციის სამეცნიერო კვლევითი ინსტიტუტის ექიმი გინეკოლოგი; 1994 წელს რუსეთის მეან-გინეკოლოგიისა და პერინატალოგიის სამეცნიერო-კვლევით ცენტრში გაიარა ოპერაციული ლაპარასკოპიისა და ჰისტეროსკოპიის სასწავლო კურსი; 1994-1996წწ. სწავლობდა ასპირანტურაში რუსეთის სახელმწიფო სამედიცინო უნივერსიტეტის პედიატრიულ ფაკულტეტზე. ავტორია 8 სამეცნიერო ნაშრომის, მონაწილეობს მოსკოვსა და თბილისში გამართულ ენდოსკოპიური მეთოდებისადმი მიძღვნილ საერთაშორისო კონგრესებში. მეან-გინეკოლოგი, ენდოსკოპისტი.

საკანდიდატო დისერტაციის თემა - "საშვილოსნოს სუპრავაგინალური ამპუტაცია და საშვილოსნოს ექსტისპაცია ენდოსკოპიური მეთოდით", დაიცვა 1996 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.359