დავით ხეროდინაშვილი

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1970 წელს.

1970-1973წწ. იყო კასპის რაიონის საავადმყოფოს გინეკოლოგი; 1973-1978წწ. კიევის სამედიცინო ინსტიტუტის მეანობა-გინეკოლოგიის კათედრის ასისტენტი; 1980-1988წწ. თბილისის ექიმთა დახელოვნების ინსტიტუტის მეანობა-გინეკოლოგიის კათედრის დოცენტი; 1990-1992წწ. ამავე კათედრის პროფესორი; 1992 წლიდან არის ი. ჟორდანიას სახელობის ადამიანის რეპროდუქციის სამეცნიერო-კვლევითი ინსტიტუტის რეპროდუქცია-პათოლოგიის განყოფილების ხელმძღვანელი; 1996 წლიდან - სახელმწიფო პროგრამის "უსაფრთხო დედობა" კოორდინატორი. ავტორია 84 სამეცნიერო ნაშრომის; მეან-გინეკოლოგი, მედიცინის მეცნიერებათა დოქტორი, პროფესორი, აკადემიკოსი.

საკანდიდატო დისერტაციის თემა - "საშვილოსნოს კუმშვადობის ტელემეტრიული კონტროლი", დაიცვა 1977 წელს.

სადოქტორო დისერტაციის თემა - "მშობიარობის შემდგომი სეპტიური დაავადებების და ორსულთა ტოქსიკოზების იმუნოლოგიური სტატუსი", დაიცვა 1988 წელს.

 წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.362

• მეან-გინეკოლოგთა საზოგადოება, წევრი
• მედიკო-სოციალური აკადემია, აკადემიკოსი