ნელი ჯამასპიშვილი

დაბადების ადგილი: სოფელი დედოფლისწყარო, კახეთის მხარე.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1963 წელს.

1963 წელს იყო ახალციხის უბნის ექიმი; 1964 წელს ამავე საავადმყოფოს ბავშვთა განყოფილების გამგე; 1966–1972წწ. თბილისის სახელმწიფო სამედიცინო ინსტიტუტის ბავშვთა სნეულებათა პროპედევტიკისა და საფაკულტეტო პედიატრიის კათედრის ასპირანტი; 1972 წლიდან ამავე კათედრის ასისტენტი. ავტორია 30–ზე მეტი სამეცნიერო ნაშრომის. 1988 წელს კვალიფიკაციის ამაღლების მიზნით იმყოფებოდა სანკტ–პეტერბურგში. პედიატრი, მედიცინის მეცნიერებათა კანდიდატი.

საკანდიდატო დისერტაციის თემა - "თირკმლის ფუნქციური მდგომარეობის შესწავლის მასალები ქრონიკული არასპეციფიკური პნევმონიების დროს ბავშვებში".

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.371

• საერთაშორისო პედიატრთა საზოგადოება, წევრი
• საქართველოს პედიატრთა სამეცნიერო საზოგადოება, წევრი