ციალა ჯანელიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1962 წელს.

1962–1965წწ. იყო ექსპერიმენტული და კლინიკური ქირურგიის სამეცნიერო კვლევითი ინსტიტუტის ასპირანტი; 1966–1967წწ. მეანობისა და გინეკოლოგიის საქმეცნიერო კვლევითი ინსტიტუტის უმცროსი მეცნიერ–თანამშრომელი; 1967–1968წწ. ექსპერიმენტული და კლინიკური ქირურგიის სამეცნიერო კვლევითი ინსტიტუტის უმცროსი მეცნიერ–თანამშრომელი; 1968–1978წწ. უფროსი მეცნიერ–თანამშრომელი; 1978–1984წწ. ლაბორატორიის ხელმძღვანელი; 1984–1988წწ. მეოთხე სამმართველოს ცენტრალური სამეცნიერო კვლევითი ლაბორატორიის სექტორის ხელმძღვანელი; 1988–1995წწ. სამედიცინო ინფორმატიკისა და ავტომატიკის სამეცნიერო კვლევითი ინსტიტუტის განყოფილების ხელმძღვანელი; 1995 წლიდან საქართველოს ჯანდაცვის მართვის ნაციონალური ცენტრის, ექიმთა ლიცენზირების სამსახურის უფროსი. ავტორია 49 სამეცნიერო ნაშრომის, თანაავტორია ორი მონოგრაფიის. თერაპევტი, მედიცინის მეცნიერებათა კანდიდატი, დოცენტი, უფროსი მეცნიერ–თანამშრომელი.

საკანდიდატო დისერტაციის თემა - "აფერენტული სისტემების ქერქისა და ქერქქვეშა წამონაქმნების ურთიერთდამოკიდებულება ხელოვნური ჰიპოთერმიის პირობებში", დაიცვა 1967 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.372

• საქართველოს ეკოლოგიურ მეცნიერებათა აკადემია, წევრ–კორესპონდენტი
• საქართველოს პათოფიზიოლოგთა სამეცნიერო საზოგადოება, წევრი