თამარ ჯაფარიძე

დაბადების ადგილი: ქ. ბაღდათი.

დაამთავრა თბილისის სახელმწიფო სამედიცინო ინსტიტუტის სამკურნალი ფაკულტეტი 1968 წელს.

1972–1980წწ. იყო კურორტოლოგიის, ფიზიოთერაპიის და რეაბილიტაციის სამეცნიერო კვლევითი ინსტიტუტის უმცროსი მეცნიერ–თანამშრომელი; 1980–1990წწ. უფროსი მეცნიერ–თანამშრომელი; 1991–1994წწ. წამყვანი მეცნიერ–თანამშრომელი; 1994 წლიდან ხელმძღვანელობს ინსტიტუტის კარდიოლოგიურ განყოფილებას. ავტორიაქ 105 სამეცნიერო ნაშრომის, არის 2 სადოქტორო დისერტაციის კონსულტანტი, კარდიოლოგი, მედიცინის მეცნიერებათა დოქტორი. 

საკანდიდატო დისერტაციის თემა - "ლიპიდური ცვლის ზოგიერთი მაჩვენებლის შესწავლა ესენციური ჰიპერლიპიდემიის დროს", დაიცვა 1972 წელს.

სადოქტორო დისერტაციის თემა - "ზოგიერთი მიკროელემენტების ელექტროფორეზის გამოყენება ექსპერიმენტული ათეროსკლეროზისა და გულის იშემიური დაავადების დროს", დაიცვა 1990 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ. 374

• პროფილაქტიკური მედიცინისა და ადამიანის ეკოლოგიის აკადემია, აკადემიკოსი