ვახტანგ კაპანაძე

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ოკეანოლოგიის სპეციალობით; უკრაინის ნაციონალური თავდაცვის აკადემია; აშშ-ის სახმელეთო ძალების ომის წარმოების კოლეჯი. გავლილი აქვს სპეციალური მომზადება შსს აკადემიაში; მარშალის სახელობის უსაფრთხოების შესწავლის ეროვნულ ცენტრში(გერმანია); აშშ-ის სამხედრო-საზღვაო ძალების სამაგისტრო სკოლაში.

სხვადასხვა დროს მუშაობდა საპასუხისმგებლო თანამდებობებზე საქართველოს თავდაცვის სამინისტროსა და შეიარაღებულ ძალებში; იყო შეიარაღებული ძალების უმაღლესი მთავარსარდლის სამხედრო მრჩეველი; დაზვერვის სამსახურის უფროსის მოადგილე; საქართველოს შეიარაღებული ძალების გაერთიანებული შტაბის უფროსის მოადგილე. 2013-2016წწ. შეიარაღებული ძალების გენერალური შტაბის უფროსი. გერმანიასა და საქართველოს შორის სამხედრო თანამშრომლობის გაღრმავებაში შეტანილი წვლილისა და სამაგალითო თანამშრომლობისათვის დაჯილდოვდა გერმანიის შეიარაღებული ძალების ღირსების ოქროს ჯვრით, აშშ-ის ეროვნული გვარდიის საპატიო მედლით. გენერალ-მაიორი (2013), სამხედრო მეცნიერებათა აკადემიური დოქტორი (2014), უკრაინის სახმელეთო ჯარების ეროვნული აკადემიის საპატიო დოქტორი (2016).

წყარო: თავისუფლების დღიურები, 2013 : რადიო "თავისუფლების" პროექტი. - თბ.,.- 2014.-გვ.250; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.282

• 2000 - ვახტანგ გორგასლის III ხარისხის ორდენი
• 1992 - ღირსების ორდენი

• სადაზვერვო ტერმინების განმარტებითი ლექსიკონი (Compiler). - თბილისი, 2013. - 127გვ.