იური ზარეცკი

დაბადების ადგილი: ქ. ზაპოროჟიე.

დაამთავრა თბილისის ქორეოგრაფიული სასწავლებელი 1951 წელს.

1948-1949წწ. იყო ამიერკავკასიის სამხედრო ოლქის ანსამბლის ბალეტმაისტერი; 1955-1967წწ. ზ. ფალიაშვილის სახელობის თბილისის ოპერისა და ბალეტის თეატრის სოლისტი; მოღვაწეობდა საქართველოს, ლენინგრადის, კიევის, ოდესის, კიშინიოვის, სვერდლოვსკის, ომსკის, ბაქოს და სხვა ქალაქების თეატრებსა და კინოში; 1964 წლიდან თბილისის ქორეოგრაფიული სასწავლებლისა და თეატრალური ინსტიტუტის პედაგოგი, 1964-1973წწ. კათედრის გამგე, 1972 წლიდან სიცოცხლის ბოლომდე მოღვაწეობდა თბილისის შ. რუსთაველის სახელობის თეატრში; მისი დადგმები - ქართული სპექტაკლები, მუსიკალური კომედიები: შ. მილორავა "ბრაზილიის საუნჯე", "დედისერთა ჯარში მიდის", "სათაგური" (1963, 1974, 1978), მ. ჩირინაშვილი "ძველი თბილისის სურათები" (1975), გ. ცაბაძე "მე სიყვარულის მომღერალი ვარ"(1979), ალ. მაჭავარიანი "ბაღლინჯო" (1980); ოპერები: ი. ბობოხიძე "ბურატინო" (1977), ო. თაქთაქიშვილი "მუსუსი" (1978 დაიდგა თბილისში, 1981 გორში), ვ. დოლიძე "ქეთო და კოტე" (1979 დაიდგა პოლონეთში, ლოძი), გ. ყანჩელი "...და არს მუსიკა" (1984); სხვა მუსიკალური დადგმები: ქ. ვ. გლუკი "ორფევსი და ევრიდიკე" (1980 გორი), რ. შტრაუსი "სალომე" (1983); საქართველოში მოღვაწე ებრაელი ქორეოგრაფი და ძვირფასი ნივთების კოლექციონერი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 184; ეროვნული ფილმოგრაფია:    geocinema.ge

• საქართველოს კინემატოგრაფისტთა შემოქმედებითი კავშირი, წევრი

• 1964 - საქართველოს დამსახურებული არტისტი