ვარვარა ზარუდნაია-ივანოვა

დაბადების ადგილი: ქ. ეკატერინოსლავი.

დაამთავრა პეტერბურგის კონსერვატორია 1882 წელს (ვოკალური).

სახელი გაითქვა რუსი კომპოზიტორების ნაწარმოებების შესრულებით (რიმსკი-კორსაკოვი, ბოროდინი, კიუი, იპოლიტოვ-ივანოვი); ის იყო რუსი კომპოზიტორისა და დირიჟორის მ. მ. იპოლიტოვ-ივანოვის მეუღლე, მასთნ ერთად მონაწილეობდა თბილისის მუსიკალური სასწავლებლის დაარსებაში (1883); 1883-1893წწ. მღეროდა თბილისის ოპერისა და ბალეტის თეატრის სცენაზე; 1893-1924წწ. იყო მოსკოვის კონსერვატორიის პედაგოგი; მისი რეპერტუარი თბილისის ოპერის სცენაზე: მარგარიტა (გუნო "ფაუსტი"), ჯილდა (ვერდი "რიგოლეტო"), მარია (პ. ჩაიკოვსკი "მაზეპა"), რუთ, ზორაირ (იპოლიტოვ-ივანოვი "რუთ", "აზრა" პირველი შემსრულებელი); ლირიკული სოპრანო.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 185