ლევან თევზაია

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი. 1998 წელს გაიარა გაეროს სურსათისა და სოფლის მეურნეობის ორგანიზაციის (FAO) სასწავლო კურსი; 2007 - ლუქსემბურგის საფინანსო ტექნოლოგიების სააგენტოს (ATTF) სასწავლო კურსი; 2019 - სსიპ თავდაცვის ინსტიტუციური აღმშენებლობის სკოლისა და ნიდერლანდების სამეფოს კლინგენდაელის საერთაშორისო ურთიერთობების ინსტიტუტის სასწავლო კურსი.

1996-1998წწ. მუშაობდა აფხაზეთის ეკონომიკის სამინისტროში; 1998-2008წწ. საქართველოს ეროვნული ბანკის სისტემაში სხვადასხვა თანამდებობაზე; 2008-2009წწ. მუშაობდა სს "აზერბაიჯანის საერთაშორისო ბანკი-საქართველო"-ში; 2009-2011წწ. აფხაზეთის ავტონომიური რესპუბლიკის მთავრობაში, მთავრობის თავმჯდომარის მრჩევლად; 2009-2014წწ. ჟენევის საერთაშორისო მოლაპარაკებათა ფორმატში "ინციდენტების პრევენციისა და მათზე რეაგირების მექანიზმების (IPRM) ფარგლებში" გამართულ შეხვედრებში საქართველოს დელეგაციის წევრი; 2011-2014წწ. "ჩართულობის სტრატეგიის სამოქმედო გეგმის განხორციელების მიზნით", საქართველოს სამთავრობო კომისის წევრი; 2011-2014წწ. აფხაზეთის ეკონომიკის სამინისტროში, მინისტრის პირველ მოადგილედ, მინისტრის მოვალეობის შემსრულებლად; 2014  წელს მუშაობდა აფხაზეთის ფინანსთა და ეკონომიკის სამინისტროში, მინისტრის მოადგილედ,  სს "აზერბაიჯანის საერთაშორისო ბანკი - საქართველო"-ში, რისკების მართვის სამსახურის უფროსად; 2014-2016წწ. იყო ქ. თბილისის მუნიციპალიტეტის მთავრობის წევრი - საფინანსო საქალაქო სამსახურის უფროსი; 2016-2017წწ. მუშაობდა ა(ა)იპ თბილისის საბავშვო ბაგა-ბაღების მართვის სააგენტოში, საფინანსო-ეკონომიკური სამსახურის უფროსად; 2018 წლის იანვრიდან მუშაობს აფხაზეთის ავტონომიური რესპუბლიკის ფინანსთა და ეკონომიკის სამინისტროში, მინისტრის მოადგილედ, ხოლო 2019 წლის მაისიდან 2020 წლის ბოლომდე მინისტრის პირველ მოადგილედ. 2021 წლიდან აფხაზეთის ავტონომიური რესპუბლიკის აფხაზეთიდან იძულებით გადაადგილებულ პირთა -  დევნილთა მინისტრი; 2021 წლის 16 აგვისტოდან დაინიშნა აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრად.