ელენე (დედოფალი)

საქართველოს დედოფალი, ბაგრატ IV-ის პირველი მეუღლე, ბიზანტიის იმპერატორის რომანოზ III-ის ძმისწული; 1029-1030წწ. საქართველოს ბიზანტიის პოლიტიკური ურთიერთობის დარეგულირების მიზნით კონსტანტინოპოლს ეწვია ბაგრატ IV-ის დედა მარიამ დედოფალი; იმპერატორ რომანოზ III-მ "აფხაზთა და ქართველთა" სამეფოსთან სამშვიდობო ხელშეკრულება გააფორმა და საქართველო ბიზანტიის უფრო მეტად დასაახლოებლად ბაგრატ IV-ს თავისი ძმისწული ელენე შერთო ცოლად (საქართველოში იგი მარიამ დედოფალს გამოაყოლეს); ელენემ და ბაგრატ IV-მ ქორწილი ბანაში გადაიხადეს; ელენეს დიდხანს არ მოუწია საქართველოს დედოფლად ყოფნა, რადგან მალევე გარდაიცვალა; გადმოცემით მის სახელთანაა დაკავშირებული ოქონის სასწაულმოქმედი ხატის საქართველოში ჩამოტანა.

წყარო: საქართველო: ენციკლოპედია: ტ.2. - თბ., 2012. - გვ.625