ჯიბო თალაკვაძე

დაბადების ადგილი: ქ. ოზურგეთი.

დაამთავრა თბილისის I მუსიკალური სასწავლებელი 1949 წელს, ვ. სარაჯიშვილის სახელობის თბილისის სახელმწიფო კონსერვატორია 1955 წელს (ვოკალური).

1945–1957წწ. იყო ზ. ფალიაშვილის სახელობის თბილისის ოპერისა და ბალეტის თეატრის გუნდის მომღერალი, სოლისტი; 1957–1970წწ. თბილისის მუსიკალური კომედიის თეატრის მსახიობი; ქართული რეპერტუარი, ოპერები: ტიტე (ზ. ფალიაშვილი "დაისი"), თაგვი და კოდალა (ა. ანდრიაშვილი "ჩხიკვთა ქორწილი"), ფოსტალიონი (ა. შავერზაშვილი "მარინე"), ბაზიერი (ა. კერესელიძე "ბაში–აჩუკი"), გიგი (დ. არაყიშვილი "დინარა"); ოპერეტები: მელა (ი. ბობოხიძე "ბურატინო"), ივანიკა, კარლო (შ. მილორავა "ძუნწი", "დედისერთა ჯარში მიდის"), კიკილო (შ. ჯოჯუა "ორი ქალიშვილი"), ბენია, ტრიფონი (გ. ცაბაძე "ახალი სიმღერა", "მეტეხის ჩრდილში"), ქაიხოსრო (ა. ჩიმაკაძე "მაია წყნეთელი"), რაბათი (ლ. იაშვილი "ბაბაჯანას ქოშები"), ყვარყვარე (ნ. გაბუნია "ყვარყვარე თუთაბერი"); სხვა რეპერტუარი: ვექილი (შტრაუსი "ღამურა"), პენიჟეკი (კალმანი "მარიცა"); მონაწილეობდა კინოფილმში "პრემიერა" (1991, რეჟისორი გ. ლორთქიფანიძე).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 193; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.298

• 1999 - ღირსების ორდენი
  ქართული სახვითი ხელოვნების განვითარებაში, მის პოპულარიზაციაში შეტანილი პირადი დიდი წვლილისა და ნაყოფიერი პედაგოგიური მოღვაწეობისათვის
• 1979 - საქართველოს დამსახურებული არტისტი