ელიზბარ (ქსნის ერისთავი)

ქსნის ერისთავი XVI საუკუნის 60-70-იან წლებში; 1569 წელს, როდესაც ქართლის მეფე სიმონ I ირანელების წინააღმდეგ ფარცხისთან ბრძოლაში დამარცხდა და ტყვედ ჩავარდა, ელიზბარ ქსნის ერისთავი და ბარძიმ ამილახვარი კავთისხევში მდგომ დედოფალს თავს დაესხნენ და მისი ქონება ხელთ იგდეს; როდესაც ქართლს ოსმალები შემოესივნენ მუსტაფა ლალა-ფაშას მეთაურობით, ელიზბარ ქსნის ერისთავი დაპყრობელს მიეგება; 1578 წელს სიმონ I-ის ტყვეობიდან დაბრუნების შემდეგ ელიზბარ ქსნის ერისთავმა მიტაცებული ქონება უკან დაუბრუნა მეფეს და შენდობა თხოვა; მეფემ შეიწყალა და მხოლოდ მამულების ნაწილი ჩამოართვა.

წყარო: საქართველო: ენციკლოპედია: ტ.2. - თბ., 2012. - გვ.646