ციცინო თოდუა

დაბადების ადგილი: ქ. ქუთაისი.

დაამთავრა ქ. ქუთაისის მუსიკალური სასწავლებელი 1967 წელს, ვანო სარაჯიშვილის სახელობის თბილისის სახელმწიფო კონსერვატორია 1972 წელს (საფორტეპიანო).

1972 წლიდან იყო ქუთაისის მუსიკალური სასწავლებლის საფორტეპიანო განყოფილების გამგე; 1973–1996წწ. ვ. სარაჯიშვილის სახელობის თბილისის სახელმწიფო კონსერვატორიის ქუთაისის ფილიალის პედაგოგი (ფორტეპიანო), 1996 წლიდან დოცენტი, 2005 წლიდან პროფესორი, 2009 წლიდან ასოცირებული პროფესორი, 2009 წლიდან ქუთაისის მუსიკალური კოლეჯის პროფესორი; 1976–1981წწ. ქუთაისის N2 მუსიკალური სკოლის დირექტორი; 1989–1992წწ. მ. ბალანჩივაძის სახელობის მუსიკალური სასწავლებლის დირექტორი; 1993–1997წწ. იყო ქუთაისის მერის მრჩეველი კულტურის საკითხებში; 1997–2003წწ. საქართველოს პრეზიდენტის სახელმწიფო რწმუნებულის მრჩეველი კულტურის საკითხებში; 1995 წლიდან საქართველოს მუსიკოსშემსრულებელთა I კონკურსის კონკურსგარეშე მონაწილეთა ჟიურის წევრი; ნ. გაბუნიას სახელობის პიანისტთა I (2001 წელი), II (2002 წელი), III (2006 წელი) ეროვნული კონკურსის ჟიურის წევრი; ქ. გიუმრის (სომხეთი) საერთაშორისო კონკურს–ფესტივალის "აღორძინება" ჟიურის წევრი (2011); ი. ს. ბახის ეროვნული კონკურსის ჟიურის წევრი (2015); აღზარდა მრავალი ლაურეატი მოწაფე; მიღებული აქვს საქართველოს კულტურის სამინისტროს, ქუთაისის მერიის, კულტურის სამსახურის სიგელები საუკეთესო პედაგოგიური მუშაობისვთის. პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 207; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.202

• საქართველოში ევროპის ფორტეპიანოს პედაგოგთა ასოციაცია, საპატიო წევრი

• 2000 - ღირსების ორდენი