გიორგი მუხაძე

დაბადების ადგილი: ქ. თბილისი.

დაამთავრა ტომსკის ტექნოლოგიური ინსტიტუტის სამშენებლო ფაკულტეტი 1916 წელს.

1923-1931წწ. მუშობდა ზაჰესისა და სხვა ობიექტების მშენებლობაზე; 1933-1942წწ. იყო საქართველოს პოლიტექნიკური ინსტიტუტის სამშენებლო ფაკულტეტის დეკანი; 1928-1961წწ. ამავე ინსტიტუტის სამშენებლო მექანიკის, 1961-1963წწ. მასალათა გამძლეობისა და დრეკადობის თეორიის კათედრის გამგე; 1946-1961წწ. საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის განყოფილების გამგე. მისი სამეცნიერო შრომები ეძღვნება სამშენებლო მექანიკის კლასიკურ საკითხებს, რომელთა გადასაწყვეტად იგი იყენებდა ანალიზურ და გრაფოსტატიკის ხერხებს. მან პირველმა შეიმუშავა (1931) საყრდენი კედლის კვეთის პირდაპირი გათვლის ფორმულები. იგი ავტორია პირველი სახელმძღვანელოსი ნაგებობათა სტატიკაში. სამშენებლო მექანიკის ქართული სკოლის ერთ-ერთი ფუძემდებელი.

წყარო: ქართული საბჭოთა ენციკლოპედია: ტ. 7.-თბ.,1984.-გვ.228; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.258-259

• საქართველოს მეცნიერებათა აკადემია, წევრ-კორესპონდენტი (1946-)

• 1941 - საქართველოს მეცნიერებისა და ტექნიკის დამსახურებული მოღვაწე
• შრომის წითელი დროშის ორდენი (2 ორდენი)
• ლენინის ორდენი

• რჩეული ნაშრომები (ავტორი). - თბილისი, მეცნიერება, 1986. - 198გვ.
• ნაშენთა სტატიკა (ავტორი) // ნაწ. 1: კოჭები. - ტფილისი, სახტექგამომცემლობა, 1935. - 190გვ.
• Полый толстостенный шар и задача Ляме (ავტორი). - Тифлис, სახელმწიფო გამომცემლობა, 1933. - 19с.
• საყრდენი კედლის სისქის საანგარიშო ფორმულები (ავტორი). - ტფილისი, ტექნიკა და შრომა, 1933. - 24გვ.